ნოვგოროდში დამთავრდა აკრობატთა საერთაშორისო ტურნირი ვოლკოვის თასზე, რომელშიც საქართველოს შვიდი სპორტსმენი (მწვრთნელი ნინო ბერიანიძე) მონაწილეობდა. განსაკუთრებით, გოგონათა სამეულმა იყოჩაღა - მარიამ ფოფხაძემ, სოფიო გოგლიძემ და ნანა ჩაკვეტაძემ 80.650 ქულით მესამე ადგილი დაიკავეს.
საქართველოს წარმომადგენლებს რუსებმა (სოფია კრულოვა, ვალერია გრიშკინა, ანასტასია შეპელოვა (რუსეთი, 83.050) და ყაზახებმა (ალექსანდრა ბალაგუტინა, ეკატერინა პეტრიშინა, ალიონა კისელიოვა, 82.000) აჯობეს.
შეჯიბრებაზე ანი ჯოხაძისა და გიგლა იმნაძის შერეულმა წყვილმა მე-4, ხოლო გიორგი ოქროპირიძისა და ტარიელ სირაძის ვაჟთა წყვილმა მე-5 ადგილი დაიკავა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
