საქართველო-რუმინეთი 38:9 - ჩამოდით, გვეთამაშეთ [VIDEO+PHOTO]

AutoSharing Option
თამამად შეიძლება ითქვას, რომ საქართველოს ნაკრებმა წლევანდელ ერთა თასის გათამაშებაში საუკეთესო მატჩი გამართა. "ბორჯღალოსნებმა" რუმინეთის ნაკრებთან რეკორდული სხვაობით, 38:9 გაიმარჯვეს.
იხილეთ ვიდეო
Sportall.Ge

ჩვენმა გუნდმა ერთა თასთან ერთად ანთიმოზ ივერიელის თასიც თბილისში დატოვა და სლემიც შეასრულა, ანუ ხუთი თამაშიდან ხუთივე მოიგო.

რუმინელები, რომლებიც 2019 წლის მსოფლიოს თასის საკვალიფიკაციო ტურნირისთვის ემზადებიან, ახალი გუნდის შენებას იწყებენ. ჩვენთან ასეთი მარცხის მიუხედავად, შეიძლება ითქვას, რომ ძნელი წარმოსადგენია, მათ კვალიფიკაციაში ვინმე შეეცილოს.

ქართველი მორაგბეები ამ შეხვედრაში მაქსიმალურად მობილიზებულნი იყვნენ, მეტოქეს თითქმის ყველა კომპონენტში ვაჯობეთ, შერკინება, დერეფანი, ხელდახელ ბურთაობა, სისწრაფე. ერთი ეგ იყო, მატჩის პირველ ტაიმში ცოტა რაკში თამაში გაგვიჭირდა, რასაც ის სამი საჯარიმო მოჰყვა, რომლის მეშვეობითაც სტუმრებმა 9 ქულა დააგროვეს. მერე ეს კომპონენტიც გამოსწორდა, მეტიც, მიწაზე თამაშისას რამდენჯერმე ბურთიც ავართვით.

ერთი სიტყვით, საქართველოს ნაკრებმა ყველაზე პრინციპულ მეტოქესთან თანამედროვე, მაღალი დონის რაგბი აჩვენა და დამსახურებულად გაიმარჯვა.
იხილეთ დაჯილდოების ვიდეო
Sportall.Ge

აღსანიშნავია, რომ ერთა თასის გათამაშებაში ბოლო ადგილი პორტუგალიის ნაკრებმა დაიკავა, რომელიც მომავალი წლიდან ადგილს ბელგიის ნაკრებს დაუთმობს. გერმანიის ეროვნული გუნდი პირველია, რომელმაც დაწინაურების შემდეგ ჩვენს დივიზიონში ადგილი შეინარჩუნა.
იხილეთ ფოტოგალერეა
Sportall.Ge

წუთი-წუთში
3 წთ: საქართველოს ნაკრებმა საჯარიმოს დარტყმის უფლება მოიპოვა. ბურთი აუტში გადავიტანეთ. დერეფნიდან მოლი ავაგორეთ და პირველხაზელმა ანტონ ფეიქრიშვილმა ლელო გაიტანა. კვირიკაშვილმა საკმაოდ რთული პოზიციიდან გარდასახა - 7:0.
7 წთ: განზრახ უხეში თამაშისთვის მსაჯმა ანტონ ფეიქრიშვილი გააძევა.
13 წთ: რუმინელთა დამრტყმელმა ფლორინ ვლაიკუმ საჯარიმოდან ანგარიში შეამცირა - 3:7.
18 წთ: "ბორჯღალოსნების" მრავალფაზიანი შეტევისას მგეზავმა ლაშა მალაღურაძემ მეტოქის 22-მეტრიანი ზონის მისადგომებიდან ფეხით რუმინელთა ზურგს უკან გადაკიდა. ბურთთან ყველაზე სწრაფად გარემარბი ალექსანდრე თოდუა გაჩნდა და ჩათვლის მოედანში დაამიწა. კვირიკაშვილს გარდასახვა გაუცუდდა - 12:3.
30 წთ: ვლაიკუმ ახლო მანძილიდან საჯარიმო ზუსტად დაარტყა - 6:12.
35 წთ: ჩვენი მორაგბეები რაკში თამაშისას დაჯარიმდნენ და ვლაიკუმ საჯარიმოდან ანგარიში სამ ქულამდე შეამცირა.
40 წთ: ქართველი მორაგბეების მრავალფაზიანი შეტევა, რომელშიც მონაწილეობა მთელმა გუნდმა მიიღო, მარჯვენა ფრთაზე გაგრძელდა, სადაც ხაზი მამუკა გორგოძემ გაჭრა და ბურთი იქვე მიმყოლ ფეიქრიშვილს გაატანა. მისი შეჩერება რუმინელებმა ვერ შეძლეს. "მეკომ" ზუსტად გარდასახა - 19:9.
45 წთ: საქართველოს ნაკრების მორიგი, მრავალფაზიანი, მახვილგონივრული შეტევა. გიორგი ჩხაიძემ დროულად მოძებნა მერაბ კვირიკაშვილი, რომელმაც მეტოქის ხაზი გაჭრა და მარჯვნივ მოკლე ფრთაზე გარემარბი გიორგი ფრუიძე ჩართო იერიშში, რომელმაც ჩვენი გუნდი კიდევ უფრო დააწინაურა. კვირიკაშვილმა გარდასახა - 26:9
60 წთ: "ბორჯღალოსნების" მორიგ იერიშში თავი ისევ ფრუიძემ გამოიჩინა, ცრუ მოძრაობების
კასკადით მეტოქე დააბნია და სალელოვე გარღვევაზე მეორეხაზელი გიორგი ნემსაძე გაიყვანა. ლაშა ხმალაძეს გარდასახვა გაუცუდდა - 31:9.
62 წთ: მატჩის არბიტრმა რუმინელთა პირველხაზელი კონსტანტინ პრისტავიცა გაასინბინა.
71 წთ: მცირე შეხლა-შემოხლის შემდეგ, რაც რუმინელთა განზრახ ბინძურ თამაშს მოჰყვა, არბიტრმა დავით კაჭარავა და ფლორინ ვლაიკუ გაასინბინა.
80 წთ: მეტოქის 22-მეტრიან ზონაში დანიშნული შერკინებიდან ბურთი ლაშა ლომიძემ აიტაცა და სტუმრებმა გაჭირვებით ზედ ლელოს ხაზთან შეაჩერეს. წარმოქმნილი რაკიდან ბურთი კარლენ ასეიშვილმა აიღო და ლელოში გადადო. ლაშა მალაღურაძემ გარდასახვა ზუსტად დაარტყა - 38:9.

მატჩის შემდეგ:
მამუკა გორგოძე, მატჩის საუკეთესო მოთამაშე:
"აღფრთოვანებული ვარ ასეთი გულშემატკივრობით. ჩემი კარიერის განმავლობაში საქართველოში ასეთი გულშემატკივრობა ჯერ არ გვქონია. ასე განაგრძეთ და ჩვენ ყოველთვის გაგახარებთ.

მიუხედავად იმისა, რომ კარგი თამაში არ გვითამაშია, სანახაობრივი, სათამაშო სისტემაც ვერ ავაგეთ ისეთი, როგორიც საჭირო იყო. ბიჭებმა ყველა გუნდი დიდი ქულათა სხვაობით დაამარცხეს. დღესაც, რუმინეთთან სანახაობრივი თამაში ვერ ვაჩვენეთ, მაგრამ შედეგი ისეთია, ჯერ რომ არ მოგვიგია რუმინეთისთვის. ალბათ, ვიმსახურებთ წინსვლას.

ვერ გეტყვით, რომ ექვს ერში შესვლას ვიმსახურებთ, მაგრამ ამაზე წინ წასვლას ნამდვილად ვიმსახურებთ".

ლინ ჰოულსი, რუმინეთის ნაკრების მთავარი მწვრთნელი:
"ცხადია, საქართველოს ნაკრებმა დამსახურებული გამარჯვება მოიპოვა. მასპინძლებმა ბევრად უკეთ ითამაშეს, ვიდრე ჩვენ. მეტოქემ ყველა ასპექტში დაგვჯაბნა: დერეფანში, შერკინებაში, გაშლილ თამაშში. სამწუხაროდ, რუმინეთის ნაკრების თამაშში პოზიტიური ვერაფერი დავინახე. ჩვენი დღევანდელი შემადგენლობა შედარებით გაახალგაზრდავებული იყო, მინდოდა, ახალგაზრდებსაც დაეგემოვნებინათ ეს ტურნირი".

სტელიან ბურჩა, რუმინეთის ნაკრების კაპიტანი:
"პირველ ტაიმში იყო ეპიზოდები, სადაც კარგად გამოვიყურებოდით. მეორე ტაიმში კი ქართველებმა ძალიან მოუმატეს და შეტევები გააძლიერეს. საბოლოო ჯამში, მასპინძლებმა გამარჯვება დამსახურებულად მოიპოვეს".

მილტონ ჰეიგი, საქართველოს ნაკრების მთავარი მწვრთნელი:
"ჩვენ, ყველანი ბედნიერები ვართ: მორაგბეები, მწვრთნელები, მაყურებლები... სასიხარულოა, რომ ასეთი ანგარიშით გავიმარჯვეთ. ეს გამარჯვება მძიმე, ხანგრძლივი შრომის შედეგია და, ცხადია, რამდენიმე დღეში ან კვირაში ამას ვერ მივაღწევდით. შეიძლებოდა უფრო დიდი სხვაობითაც მოგვეგო, მომენტებში უკეთ რომ გვეთამაშა.

დღეს გამარჯვებას აღვნიშნავთ, ცოტა ლუდს დავლევთ და მუშაობას გავაგრძელებთ.

შეიძლება ითქვას, დღეს უძლიერესი შემადგენლობა გვყავდა, თუ არ ჩავთვლით რამდენიმე დანაკლისს. ნელ-ნელა გამოჩნდებიან ნაკრებში სხვა მოთამაშეებიც, ივნისისა და ნოემბრის ტესტებზე კიდევ გამოვცდით ახალ მორაგბეებს".

შალვა სუთიაშვილი, საქართველოს ნაკრების კაპიტანი:
"მეამაყება, რომ დღეს სტადიონზე ასეთი გარემო იყო შექმნილი. მადლობა თითოეულ ადამიანს ქომაგობისთვის. ჩვენ განვითარებას განვაგრძობთ. ცოტა მოთმინებაა საჭირო და გპირდებით, ნაკრები კიდევ უფრო უკეთესად ითამაშებს.

იტალიელთა კაპიტნის,  სერჯო პარისეს გამონათქვამს გავეცანი ქართულ პრესაში. მას ქართველებისთვის ექვსი ერის კარის გახსნა ნაადრევად მიაჩნია. მინდა ვუპასუხო, რომ მათთან თამაში მაღალ დონეზე შეგვიძლია და თუ ვინმეს ეჭვი ეპარება, ჩამოვიდეს და გვეთამაშოს".

ევროპის ერთა თასი. V ტური
საქართველო-რუმინეთი 38:9
საქართველო: 15 მერაბ კვირიკაშვილი (გიორგი აფციაური 57), 14 გიორგი ფრუიძე, 13 დავით კაჭარავა სბ, 12 თამაზ მჭედლიძე (ლაშა მალაღურაძე 63), 11 სანდრო თოდუა, 10 ლაშა ხმალაძე, 9 ვასილ ლობჟანიძე (გიორგი ბეგაძე 51), 1 მიხეილ ნარიაშვილი (კახა ასეიშვილი 55), 2 ჯაბა ბრეგვაძე (1 შალვა მამუკაშვილი 55), 3 ანტონ ფეიქრიშვილი სბ (ლევან ჩილაჩავა 50), 4 გიორგი ჩხაიძე (კოტე მიქაუტაძე 46), 5 გიორგი ნემსაძე, 6 შალვა სუთიაშვილი, 7 მამუკა გორგოძე, 8 ბექა გორგაძე (ლაშა ლომიძე 50).
6ლ: ფეიქრიშვილი (2), თოდუა, ფრუიძე, ნემსაძე, ასიეშვილი;
4გ: კვირიკაშვილი (3), მალაღურაძე.

რუმინეთი: 15 იონუც ბოტეზატუ, 14 ფლორინ იონიცა, 13 პაულა კინიკინილაუ, 12 ფლორინ ვლაიკუ სბ, 11 ადრიან აპოსტოლი (მარიან ისპირი 66), 10 ჯოდი როუზი (ოვიდიუ მელნიჩუკი 75), 9 ვალენტინ კალაფეტეანუ (ტუდორელ ბრატუ 61), 1 კონსტანტინ პრისტავიცა სბ (მიხაი დიკო 72), 2 ეუჯენ კეპეცინა (ანდრეი რედოი 61), 3 პაულ რუსუ (კოსმინ მანოლე 50), 4 ვალენტინ პოპირლანი, 5 იოჰან ფან ჰირდენი, 6 სტელიან ბურჩა, 7 ვიორელ ლუკაჩი (მარიუს ანტონესკუ 46), 8 ანდრეი გორჩოაია.
3ს: ვლაიკუ

მსაჯი: ტიუალ ტრენინი (საფრანგეთი)

გერმანია-ესპანეთი 17:17
პორტუგალია-რუსეთი 21:53

სატურნირო ცხრილი
ა გ თ მ ფ წ ბ ქ
1. საქართველო 5 5 0 0 +155 24
2. რუმინეთი 5 4 0 1 +83 19
3. რუსეთი 5 3 0 2 +13 14
4. ესპანეთი 5 1 1 3 -4 9
5. გერმანია 5 1 1 3 -109 7
6. პორტუგალია 5 0 0 5 -138 1

(იბეჭდება მცირე ცვლილებით)
ყოველდღიური სპორტული გაზეთი "ლელო"


თუ 6 ერი არ გვიღებს,და ჯერ არ თვლიან საჭიროდ,

ანუ ე.წ. ,,დიდებული 7-ული,, არ სურთ

( ისე ეკონომნიკურად უ ნ დ ა გავიზარდოთ...
რამდენი შეძლებს დღეს საქართველოში თუნდაც 30 ევროს ბილეთების გადახდას ?!
ეკონომიკარად და ფინანსურად,სოციალურად მ ო მ ძ ლ ა ვ რ ე ბ ი ს ა თ ვ ი ს
სწორად დასავლური სამართლებრივი პოლიტიკური და ეკონომიკური სისტემის დამკვიდრებით...)

ეცადოს საქართველოს ფედერაცია ,თუნდაც მე-10 ათეულის ტურნირი...

5 გასვლა -5 სახში...
თუ ეს ძალიან ბევრია და რაგბისტებს არ გამოუშვებენ კლუბებში...

ე.წ. ახალი ტურნირი ,, შესანიშნავი 7-ული,,

იაპონია,ფიჯი,საქართველო,სამოა,ტონგა,აშშ და კანადა!!!

ბოლო-ადგილოსანის გავარდნით

და მით უკანა ნომრებისათვის შ ა ნ ს ი ს მიცემით!!!
რუმინეთი იქნება,რუსეთი,თუ ურუგვაი...
ასე ბევრი თამაში წელიწადში ძლიერ დაგვაახლოებს 6 ერის და მერე..თავად შემოგვთავაზებენ!

ისე,მეგობარს...

10 თამაშიდან ოკეანის გუნდებს (სამოა,ტონგა,ფიჯი)მინიმუმ 9-ჯერ მოუგებს ინგლისი,უელსი და ირლანდია,
7-ს შოტლანდია,

იტალია ნახევარს!
glaxuna
18:00 21-03-2016
0
მე იმის თქმა მინდოდა რომ რუმინეთმა თავი კი არ შეინაახა, არამედ რადგან ახალგაზრდული გუნდი ჰყავს ისეთი ძლიერი არაათქო, რაც შეეხება ჩვენს განვიტარებას მე უფრო brooklyn-ის აზრს ვეთანხმები, რა 6 ერი, ჩვენ ოკეანელებთან ტამაშით უფრო მაგრად განვვიტარდებით და უფრო კარგი რაგბის ტამაშს ვისწავლით, 6 ერის გუნდები ტავისი ბიუროკრატიის გამო ისეთი დონით ვერა მიდიან წინ როგორც ვთქვათ ოკეანელები და ჩვენთვის მისწრება იქნება ოკეანელებტან ხშირი ტამაში და მათთან ერთად რარაც ტურნირის გაკეთება
0
ვაა-ვ: ხო და მომავალზე აქცენტის გაკეთება არ ნიშნავს რომ თავი შეინახეს რაიმესთვის, თავი შიძლება დაზოგო მომავალი მატჩისთვის რომელიც 7-10 დღეში გაქვს... და მეტი რაღა უნდა გადაწყვეტილიყო ერთა თასის ფინალი იყო?... და სხვა ტიტულზე რუმინეთს არ მიუწვდება ხელი ჯერ... და კიდე თუ რაიმე მოტივაციის ნაკლებობაზე საუბარი ეს ჩვენ გვექნება მინიმუმ 4 წელი ამ ტურნირში...
კაცია და გემოვნება, მაგრამ მე პირადად არ ვფიქრობ რომ იტალია სამოაზე ფიჯიზე და ტონგაზე ძლიერია, და თუ ჩვენ ამ გუნდებს ისევე იოლად მოვუგებთ როგორც დღეს რუმინეთს ჩათვალე რომ მაგ დროისთვის იტალიასაც კუდით ქვას ვასროლინებთ...
ბუნებრივია წინ უნდა წავიდეთ და მერე უფრო დიდი ამბციციები გვექნება, მაგრამ რაც უფრო ჩაგვიკეტავენ ძლიერ ნაკრებებთან თამაშიც საშუალებას მით უფრო გვიან დადგება ეგ ,,ნანატრი" დრო. სარაგბო სამყარო ისე რომ ირჯებოდეს როგორც საფეხბურთო წესიტ უკვე ტოლ-სწორად უნდა ვეთამაშებოდეთ მოწინავე ნაკრებებს, წავაგებთ მაგარ გუნდებთანო რომ ვამბობთ თუ არ ეთამაშე და თუნდაც ტავიდან არ წააგე (მწარედაც0 ვერასდროს ვერ მოუგებ
irakli Apkhaidze
17:13 21-03-2016
0
ბიჭო 6 ერი კი არა მიდი გამოუშვით ოკეანელი კაი ბიჭები, აგერ მილტონა ჩვენი ძმაა მაგათაც კარგად იცნობს და ძალიან მაგარი იქნება რა, ეს იქნება ყველაზე ჯიგრობა არგენტინასაც მოვუსინჯავთ კბილს და სამხრეთ ნახევარსფეროს რაგბიში წავალთ რომელიც არის უძლიერესი, ევროპა ძალიან სუსტია ამათი მონაა რაგბში, ტონგა-ფიჯისთან თამაშით უფრო წინ წავალთ ვიდრე ინგლისთან, მე ასე მგონია ძალიან ცოტა განსხვავებაა ძალაში ოკეანელებსა და ევროპელებს შორის ძალიან უხერხული მეტოქეები არიან ესენი ამათთვის. გეუბნებით რა, ჩვენ იაპონია ოკეანელები სანამ გვიან არ არის რაც უფრო ადრე დავიწყებთ ამაზე მუშაობას მით უკეთესი.
brooklyn
17:11 21-03-2016
0
vaa--არანაირად მეგფობაროოოო,ულოგიკო იყო შენი დაწერიულიიიი...ეგ იგივეა ჩვენ რუსეთთან რომ 4 სასტავი გავიყვანოთ,პრინციპულად სულ სასტავი გადის ეგრეა რუნინეთიც ჩვენთქნ,ძმაკაცები მყავს რაგბისტები და ვბიცი ეგ 100 პროცენთით,ეგრეა არაა როიგორც შენ დაწერე,.
ragby
17:11 21-03-2016
0
ტონგას სამოას ფიჯის და იაპონიის A ნაკრებები თამაშობენ ახლა, და ეგ თამაშები რეიტინგზე არ ახდენს გავლენას.
giga
17:04 21-03-2016
0
ვაა-ს და შენ რა გგონია სამოა ან ფიჯი დღეს იტალიას რომ შეხვდეს რა მოხდება? ისე ლაპარაკობ სამოაზე და ფიჯიზე გეგონება პორტუგალია იყოს ან რუსეთი. ფიჯი სადაც შეხვდება იტალიას იქ დაახევს ბურთს თავზე.
fraternity
16:54 21-03-2016
0
"მე"-ს: ტონგამ 17-ში წააგო დიდი ანგარიშით და ვერანაირად ვერ დაგვეწევა რეიტინგში.სამწუხაროდ, წააგო ფიჯისთან და ჩვენსა და ფიჯის შორის ქულათა სხვაობა კიდევ უფრო გაიზრდება.
T.D.
16:39 21-03-2016
0
ragby-ს, Irakli apkhaidze -ს : საქმეც ეგაა რომ რუმინელებს ახალგაზრდული გუნდი ჰყავთ და ისეთი ძლიერი არაა დღეს, ისინი უფრო მომავალზე აკეთებენ აქცენტს, ჩვენთან თამაშით არაფერიც არ წყდებოდა მათთვის, ექვსი ერი თუ გაქვთ მხედველობაში, უახლოეს მომავალში სანამ ეკონომიკურად მიმზიდველი ქვეყანა არ გავხდებით ექვს ერზე ლაპარაკი სისულელეა, რტაც შეეხება ჩვენი და იტალიის დონეს, იტალიამ მსოფლიოზე საკმაოდ კარგი თამაში აჩვენა და ისინი დღეს ჩვენზე არანაკლებებეი არიან, ათი თამაშიდან დღეს 6-სს მაინც იტალია მოიგებს, ჩვენ უფრო სამოას, ტონგას და ფიჯის დონის გუნდების დონეზე უნდა დავმკვიდრდეტ მყარად, ყოველშემთხვევაში ისე უნდა ვქნათ რომ ამ გიუნდებტან ისე ვიყოთ როგორც ახლა რუმინეთთან ვართ და აი მაშინ შეიძლება იტალიასთან და ექვსი ერის სხვა გუნდებთან ხამამაღლა ლაპარაკი...
0
შენ მემგონი ცუდად ხარ ხო ძმა ? წადი სოკო დაკრიფე შენ გირჩევნია ან ეს რა გამოხტომაა რომ წააგოთ წააგებენ და ღირსეულად წააგებან
Edzgvneba Darkos
16:21 21-03-2016
0
და რომ წააგოთ?? რას ბაქიბუქობთ




















.
Darko
16:10 21-03-2016
0
ეს იყო საუკეთესო თამაში საქართველოს რაგბის ისტორიაში, თუ ვცდები ვინმემ გამახსენოს, ასეთი ხარისხის ხელდახელ თამაში, ამდენი ულამაზესი ლელო ერთ თამაშში, ბრავო ბიჭებს, ბრავო მილტონ ჰეიგს, ძალიან მეეჭვებოდა, რომ ჩვენ ღირსნი ვიყავით 6 ერის გათამაშებისთვის, ამჯერად ეჭვიც არ მეპარება, რომ ჩვენი ადგილი იქაა, სწორედ ამის დამტკიცება უნდოდათ ბიჭებს და დაამტკიცეს კიდევაც. მელიტონი ძალიან მაგარი მწვრთნელი აღმოჩნდა, მადლობა მას ყველაფრისათვის.
ბბ
15:10 21-03-2016
0
Р.S. ინგლისურად ინგლენდ დავწერე არასწორად შემისწორეთ,იმ წამსვე გამოვასწორებ,იმიტომ რომ "ჭეშმარიტებას ერთობლივ აზრზე ყრდნობა рйьтш
Rugby
14:18 21-03-2016
0
უფ ტყუილად განერვიულეთ სარეიტინგო არ ყოფილა A ნაკრები თამაშობდა
0
ვაა-მ თავისი მოსაზრება გმოსთქვა,აფხაიძემ გაგვიმარტა სწორედ-მსოფლოს თამაშებისთვის ამზადებენ გუნდსო,ახალგაზრდებსო,რუმინელებიო,უსახელომ და "რაგბიმ" ვერ გავიგეთ, ვაა-ს თქმული და არასწორად იმსჯელეს რუმინეთის გეგმებთან მიმართებაში,და კიდევ ,არასაწყენად, ინგლისურად რაგბი ჩემს ნიკნეიმში რომაა,მასე იწერება,და საერთოდ ეს რომ გვწელე, "მოლას კუილივით",იმის თქმა მინდა, რომ ურთიერთ შესწორებებით,ქართული ჭკვიანურად სჯა ბაასით,ერთობლივი აზრის ჩამოყალიბებით და ერთიან აზრზე ყრდნობით მოქმედებით,ყვრლა ჩვენს,ქართველების "ააკეთლსმსრველებს" ყოველთვის დავჯაბნით და გამარჯვებულები ვიქნებით,ყველაფერში,ჩვენის გატანით.აი ასე ემოციურად ვამბობ ქართველთა ძალა-ერთობაში ა,საჯაროდ,ვბაქიობ იმერულად
Rugby -Englend
14:09 21-03-2016
0
ერთი სამწუხარო ამბავი მინდა დავამატო ამ ყველაფერს. ტონგა გადაგვასწრებს რეიტინგში. 73.44 ექნება ჩვენ 72.62. სამწუხაროდ რაც არ უნდა დიდი ანგარიშით მოვუგოთ ჩვენს ჯგუფში მეტოქეებს მაინც რეიტინგზე დიდათ არ მოქმედებს იმდენად უკან არიან. მარტო რუსეთი ცოტათი და რუმინეთი. 0.408 სარეიტინგო ქულა ავიღეთ 15 ქულით და მეტი მოგებით.
0
ნოემბრამდე არაფერი თამაში აღარ აქვთ და რომელი სხვა თამაშებისთვის უნდა შეენახა თავი??? რაც შეეხება დღევანდელ იტალიას რა ნაკრებითაც ითამაშა 6 ერი(17ძირითადის მოთამაშე ყავთ დამტვრეული) აშკარად ვჯობივართ! და პლუს თუ პარისე ფიქრობს რომ ჩვენზე ძლიერია გვეთამაშონ რატომ არ უნდათ ჩვენთან თამაში ?!
vaa-s
13:14 21-03-2016
0
Sainteresoa ruminetma kide vigastvis sheinaxe tavi, tu chven ar vicit da 6 ers daamates:)))
Shemadhenloba gaaxalgazrdava imito ro msoflios momdevno tasis Shemadhenloba aqedanve unda rom shekras.
Italias axla ki ara cina msoflios taszec movugetdit, is uketesi pirobebisa da shuagul evropashi mdebareibis gamoa 6 ershi da Ara imito ro chven mogvigebs, tu odesme gabedavs da gariskavs chventan tamashs
Irakli apkhaidze
13:03 21-03-2016
0
vaa-- ულოგიკოა მეგობარო შენი დაწერილი რომ არითამაშეს და ტავი სეინახა რუმინეთმა,აქ წყდებოდა ბევრი რამ და ეგ გამორიცხულია,შენ იგივე გამოგოვიდა ზელანდიამ რომ აფრიკასთან აარ მოინდომოს მოგება.
ragby
12:50 21-03-2016
0
ასე მგონია კიდევ რომ რუმინეთი უფრო სხვა ტამაშებისთვის შეინახა ტავი და ჩვენთან თამაშს დიდი მნიშვნელობა არ მიანიჭეს
0
ყოჩაღ ბიჭებს, ძალიან კარგად ითამაშეს მაგრამ რუმინეთის ნაკრები არ იყო ტავისი უძლიერესი შმადგენლობით და თან უფრო მეტად ახალგაზრდები ათამაშეს, ასე რომ ეს რუმინეთის ნაკრები ჩვენი სიძლიერის საზომად ვერა გამოდგება და იმასაც არა ვეთანხმები რომ ჩვენ დღეს იტალიაზე ძლიერები ვართ, კიდევ თუ ოთხი წელი ასეთი ზრდა გავაგრძელეთ და ხელით თამაში და კომბინაციები დავხვეწეთ აი მერე შეიძლება რარაცის ამბიცია გვქონდეს....
0
ჩემი აზრით არამარტო ამ გათამაშების. მე მთლიანობაშიუ ასეთი ხარისხიანი თამაში ჯერ არ მინახავს. ვგულისხმობ ორგანიზებულობას და განსაკუთრებით ხელდახელ თამაშს.
რაგბაძე
11:11 21-03-2016
0
ნუ ავრცელებთ არასწორ ინფორმაციას (თანაც ძალიან ხშირად). სანამ რამეს დაწერთ გადაამოწმეთ. გერმანია არ არის პირველი ნაკრები ვინც ერთა თასზე ადგილი შეინარჩუნა. პირველი ასეთი ნაკრები ჩეხეთი იყო
sandro
11:04 21-03-2016
0
შეცდომაა 18 წუთზე არა მალაღურაძემ არამედ 10 ნომერმა ხმალაძემ გადაუკიდა თოდუას
Lasha
10:56 21-03-2016
0
ავიღოთ დიდი მორი, და მივუკაკუნოთ ბრიტანეთის საელჩოს კარებზე..
ქუთაისელი
10:22 21-03-2016
0
სიახლეები პოპულარული