დღეს, 23 დეკემბერს, თბილისის დროით 00:00 საათზე, ევროლიგის მე-17 ტურში, "ბარსელონამ" ყაზანის "უნიქსს" უმასპინძლა და 111:109 დაამარცხა.
მასპინძლები რუსულ კლუბს მე-3 მეოთხედის დასრულებამდე 2 წუთით ადრე 20 ქულით ჩამორჩებოდნენ, თუმცა, აქედან მოყოლებული, მეტოქეს 43:23 გაექცნენ და შეხვედრა ფრედ, 94:94 დასრულდა. მატჩი ოვერტაიმში გადავიდა, სადაც ესპანელები უკეთ გამოიყურებოდნენ და 17:15 იმარჯვეს.
"ბარსას" შემადგენლობაში საუკეთესო ნიკოლა მიროტიჩი გახლდათ, რომელმაც თავი 28 ქულით, 3 მოხსნით, 1 შედეგიანი გადაცემითა და ამდენივე ჩაჭრით გამოიჩინა.
კაილ კურიჩმა 23 ქულა, 5 მოხსნა და 1 შედეგიანი გადაცემა მიითვალა.
რაც შეეხება "უნიქსს", ლორენცო ბრაუნმა გუნდს 27 ქულა, 7 მოხსნა, 9 შედეგიანი გადაცემა და 2 ჩაჭრა შესძინა.
ამრიგად, "ლურჯ-ბროწეულისფერები" 15 გამარჯვებითა და 2 მარცხით ლიგის საუკეთესო შედეგს აფიქსირებს, მომდევნო შეხვედრას 30 დეკემბერს, "ბასკონიას" წინააღმდეგ გამართავს.
რუსებს 10 მოგება და 7 წაგება აქვთ, რითაც მე-7 პოზიციას იკავებენ, მე-18 ტურში (იმავე 30 დეკემბერს) კი "ეფესს" უმასპინძლებენ.
!["შევ****ი "ბარსას" - "რეალის" და "ბაიერნის" ფანებმა კატალონიურ გრანდს შეურაცხყოფა მიაყენეს [VIDEO]](/pictures/image7/2d5e6246133c98b5baf980493f6c3536.png "\"შევ****ი \"ბარსას\" - \"რეალის\" და \"ბაიერნის\" ფანებმა კატალონიურ გრანდს შეურაცხყოფა მიაყენეს [VIDEO]")
![მამარდაშვილის გაძევება და ლევანდოვსკის ჰეთ-თრიკი - "ვალენსია" "ბარსელონასთან" დამარცხდა [VIDEO]](/pictures/image7/d8b9c9a28bb35fa7c1b48ea2de4dceb8.jpg "მამარდაშვილის გაძევება და ლევანდოვსკის ჰეთ-თრიკი - \"ვალენსია\" \"ბარსელონასთან\" დამარცხდა [VIDEO]")
!["ვალენსია" სტუმრად "ბარსელონას" 2:1 ამარცხებს - მამარდაშვილი გააძევეს [VIDEO]](/pictures/image7/e03e6a751bd32359a37973692d5b9ddc.jpg "\"ვალენსია\" სტუმრად \"ბარსელონას\" 2:1 ამარცხებს - მამარდაშვილი გააძევეს [VIDEO]")
