ევროლიგის მეექვსე ტურში თორნიკე შენგელიას „ვირტუსმა“ საკუთარ მოედანზე „ანადოლუ ეფესი“ 93:81 დაამარცხა.
მატჩის დაწყების წინ შენგელიას ევროლიგის ოქტომბრის თვის საუკეთესო კალათბურთელის პრიზი გადასცეს.
თავიდან სტუმრები 6:0 დაწინაურდნენ, მაგრამ მასპინძლებმა შენგელიას, მარკო ბელინელის და ბრაიანტ დანსტონის ძალისხმევით პირველი მეოთხედი 20:18 მოიგეს. შემდეგ მწვრთნელმა თორნიკე დაასვენა, „ეფესმა“ კი გაქცევა და წინ გასვლა (33:24) მოახერხა. თუმცა, ბოლონიელებმა სხვაობა შეამცირეს და პირველი ტაიმი 41:45 დათმეს.
დიდი შესვენების მერე თავიდან თამაში ქულა ქულაში წავიდა, რის შემდეგაც „ვირტუსი“ უკეთ გაისარჯა და მიმდინარე სეზონში ევროლიგასა და ლეგა A-ში 11 მატჩიდან 10-ში გამარჯვება იზეიმა.
![Sportall.Ge](/pictures/artimages/original/8e359a350fe9e47f0edb0e624633b400.jpg "შენგელია ისევ MVP-ა, "ვირტუსი" შეუჩერებელია და მადრიდში "რეალთან" შეხვედრა ელის")
შენგელიამ 31:11 წუთში 19 ქულა (9-დან 5 ორქულიანი, 3-დან 0 სამქულიანი, 11-დან 9 საჯარიმო), 5 მოხსნა, 6 პასი, 1 ჩაჭრა მიითვალა და მასზე 12-ჯერ დაჯარიმდნენ. „თოკო“ სარგებლიანობის 30-იანი კოეფიციენტით MVP გახდა.
თორნიკეს გუნდიდან 17 ქულა ბელინელიმ ჩააგდო, ხოლო დანსტონმა 14. „ეფესიდან“ 17 ქულით ყველაზე შედეგიანი როდრიგ ბობუა იყო. შეინ ლარკინის ანგარიშზე 16 ქულაა, ანტე ჟიჟიჩმა კი თავის გუნდს 15 ქულა შესძინა.
„ვირტუსმა“ ტურნირზე მეხუთე გამარჯვება მოიპოვა, „ვალენსიასთან“, „ბარსელონასთან“ და „ფენერბაჰჩესთან“ ერთად მეორე-მეხუთე ადგილებს იყოფს და 9 ნოემბერს მადრიდში ლიდერ „რეალს“ დაუპირისპირდება.
თორნიკე შენგელიას მორიგი აღიარება!
!["ვირტუსმა" "რეჯინა" ბრძოლაში დაამარცხა, შენგელია კი მატჩის MVP გახდა [VIDEO]](/pictures/image7/e124a4149e6cdf70d082fa0cc70c9170.jpg "\"ვირტუსმა\" \"რეჯინა\" ბრძოლაში დაამარცხა, შენგელია კი მატჩის MVP გახდა [VIDEO]")
![შენგელიას 21-მა ქულამ "ვირტუსს" "მილანში" ვერ უშველა [VIDEO]](/pictures/image7/af5a0e0b1ea8ee426abd835c72304a77.jpeg "შენგელიას 21-მა ქულამ \"ვირტუსს\" \"მილანში\" ვერ უშველა [VIDEO]")
![შენგელია "პანათინაიკოსთან" საუკეთესო იყო და ევროლიგაში 3000-ქულიანი ბარიერიც დაძლია [VIDEO]](/pictures/image7/a7a9270370e48a61d75653cb115da7ff.jpg "შენგელია \"პანათინაიკოსთან\" საუკეთესო იყო და ევროლიგაში 3000-ქულიანი ბარიერიც დაძლია [VIDEO]")
