თორნიკე შენგელია: ვიცოდით, რომ შეგვეძლო და შევძელით

საქართველოს ნაკრების ფორვარდმა თორნიკე შენგელიამ ლიტვასთან მოგების შემდეგ კომენტარი გააკეთა.

"ველოდით, რომ ასეთი ხასიათის თამაში იქნებოდა - ბოლომდე თანაბარი, დაძაბული, ნერვების თამაში.

ლიტვა ჯგუფის ფავორიტია და მის დასამარცხებლად მაქსიმალური მობილიზება გვჭირდებოდა. მაშინაც კი, როცა მეტოქემ 12 ქულით გაგვასწრო, თავი არ დაგვიხრია, ბრძოლა განვაგრძეთ, ვიცოდით, რომ შეგვეძლო და შევძელით.

დიდი ნაბიჯი გადავდგით თურქეთისკენ, სწორედ პლეი ოფში გასვლაა ჩვენი პირველი ამოცანა. პირველი ნაბიჯი უკვე გადავდგით", - თქვა შენგელიამ.

- საქართველოს კალათბურთელთა ნაკრებმა ევრობასკეტზე ლიტვას მოუგო [VIDEO]