ხიმკი-ვითა 117:73 - სამქულიანების წვიმა [VIDEO]

12 ოქტომბერს, თბილისის "ვითამ" ვითიბი ლიგაში მესამე შეხვედრა სტუმრად "ხიმკისთან" გამართა.

პოდმოსკოვიეს "ხიმკი" მიმდინარე სეზონში აუგუსტინით, ტოდოროვიჩით, ზორან დრაგიჩით, შვედით გაძლიერდა. მათ დავუმატოთ რაისი, კოპონენი, მონია და მივიღებთ ევროლიგის პლეი ოფში გასვლის რეალურ პრეტენდენტს.

თბილისის "ვითა" კი ახლად შეკრებილი, მცირებიუჯეტიანი გუნდია და "ხიმკისთან" რომ ვერაფერს გახდებოდა, წინასწარ ცნობილი იყო.

საწყის 7 წუთში მასპინძლები 21:6 დაწინაურდნენ. 21-დან 15 ქულა სამიანებით ჰქონდათ ჩაგდებული (5-დან 5).

ხიმკელები არც შემდეგში მოდუნებულან, 117-დან 57 ქულა შორეული ტყორცნებით მოაგროვეს. მათ "ვითას" კალათში 19 სამქულიანი მოათავსეს...

რუსეთიდან დაბრუნებული ვითელები ვარჯიშს თბილისში განაგრძობენ და "ნიჟნი ნოვგოროდთან" მატჩისთვის მოემზადებიან. შეხვედრა 18 ოქტომბერს, 16:00 საათზე დაიწყება.

ვითიბი ლიგა. რეგულარული ჩემპიონატი. III ტური
12 ოქტომბერი
ხიმკი-ვითა 117:73
34:13, 22:16, 24:26, 37:18
ხიმკი: რაისი (6ქ, 6პ), შვედი (19ქ, 7პ), ზ. დრაგიჩი (3ქ, 5პ), აუგუსტინი (8ქ), პატეევი (14ქ), კოპონენი (22ქ, 6პ), მონია (9ქ, 5პ), ტოდოროვიჩი (9ქ, 7მ), შელეკეტო (5ქ).
ვითა: ჩლაიძე, ბითაძე, ბერიშვილი (3ქ), ბოქოლიშვილი, რევაზაშვილი, შენგელია (1ქ), ზაქრაძე, კარტერი (15ქ, 8მ), ჰენრი (16ქ, 8პ), ანიკიენკო (4ქ), ლიპოვოი (19ქ, 3პ), ტერნერი (15ქ).
მსაჯები: ე. მოგულკოჩი (თურქეთი), პ. პაშტუსიაკი (პოლონეთი), ო. ლუჩისი (ლატვია).

(იბეჭდება მცირე ცვლილებით)
ყოველდღიური სპორტული გაზეთი "ლელო"