მანუჩარ მარკოიშვილი და ვიქტორ სანიკიძე რამდენიმე წლის წინათ იტალიის ჩემპიონატში თამაშობდნენ, მანუ "კანტუს" ღირსებას იცავდა, ვიქტორი - "ვირტუსისას". ეს გუნდები სატურნირო ცხრილში თითქმის ყოველთვის ერთმანეთის გვერდით "ბინადრობდნენ". სანიკიძემ და მარკოიშვილმა ახალი სეზონი თურქეთში დაიწყეს და მესამე ტურის შემდეგ კვლავ ერთმანეთის მეზობლები არიან.
ვიკას "ტედ კოლეჯმა" გუშინ "იესილგირესუნს" 80:74 აჯობა, ხოლო მანუს "დარუსაფაკამ" სტუმრად "უშაკთან" 70:72 დათმო. ამ შედეგების გათვალისწინებით, ისინი თურქეთის ჩემპიონატში ერთმანეთის გვერდით, მეათე-მეთერთმეტე ადგილებზე არიან (2-2 მარცხი, თითო გამარჯვება).
ყოველგვარი წაგება არასასიამოვნოა, მაგრამ "უშა
ანკარელთა რიგებში მოთამაშე ვიქტორ სანიკიძე კი "იესილგირესუნთან" ორთაბრძოლაში ორმაგ დუბლს მიუახლოვდა: 26 წუთი, 9 ქულა, 7 მოხსნა, 3 პასი, 1 ჩაჭრა. მან 6-დან 4 ორქულიანი, 3-დან 1 საჯარიმო გამოიყენა.
წინასწარ დავწერთ, რომ მომდევნო ტურის შემდეგ სანიკიძისა და მარკოიშვილის გუნდებს ქულათა თანაბარი რაოდენობა არ დარჩებათ. მიზეზს, ალბათ, მიხვდებოდით: "ტედ კოლეჯი" და "დარუშაფაკა" ერთმანეთის წინააღმდეგ ითამაშებენ. შეხვედრა 1-ელ ნოემბერს, სტამბოლში გაიმართება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
