ბითაძე და მამუკელაშვილი ევროპის ტოპ-ტალანტების ათეულში

eurospects.com რეგულარულად აქვეყნებს ევროპის ყველაზე პერსპექტიული კალათბურთელების სიას.

ამჯერად, 1999 წელს დაბადებულ ევროპელ ტალანტთა ათეულში ორი ქართველია. მე-7 ადგილზეა "მეგა ლეკსის" ცენტრი გოგა ბითაძე, ხოლო მე-9 ადგილზეა "მონტევერდეს" ფორვარდი სანდრო მამუკელაშვილი.

აღსანიშნავია, რომ ცენტრებს შორის ბითაძე მეორე ადგილზეა და მხოლოდ ბერკე ატარს ჩამორჩება. მამუკელაშვილი კი მესამეა ფორვარდების პოზიციაზე.

1999-წლიანთა შორის ევროპის ტოპ-ტალანტად სლოვენიელი ლუკა დონჩიჩი მიიჩნევა, რომელიც "რეალში" თამაშობს.