საქართველოს ეროვნული ნაკრების ფეხბურთელმა თორნიკე ოქრიაშვილმა რუსულ "კრასნოდართან" 4-წლიან კონტრაქტს მოაწერა ხელი. ამის შესახებ Sportall.ge-ს ფეხბურთელის აგენტმა მამე ამიროვმა აცნობა.- თორნიკე ოქრიაშვილს "კრასნოდარში" ქართულად მიესალმნენ [PHOTO]
"კონტრაქტი 4-წლიანია და ოქრიაშვილი ძირითადი შემადგენლობის ფეხბურთელი იქნება. დანარჩენი უკვე მასზეა დამოკიდებული - ყველაფერი მის ხელშია. მას სათამაშო პრაქტიკა ექნება, წინააღმდეგ შემთხვევაში, კლუბთან კონტრაქტს არ გავაფორმებდით.
აქ ფულის გამო არ ჩამოვსულვართ. "კრასნოდარს" სწორი ხედვა აქვს და ევროპულ გუნდებს არაფრით ჩამოუვარდება", - გვითხრა აგენტმა.
შეგახსენებთ, რომ "კრასნოდარში" გადასვლამდე, 24 წლის შემტევ ნახევარმცველს ბელგიური "გენკიდან" ფრანგულ
რაც შეეხება თორნიკეს ახალ კლუბს, "კრასნოდარი" წელს ევროპის ლიგაზე ასპარეზობს და ჯგუფში "ნიცასთან", "შალკესა" და "ზალცბურგთან" ერთადაა. გუნდი რუსეთის პრემიერლიგაში მომავალ მატჩს 11 სექტემბერს, სტუმრად "უფასთან" ჩაატარებს.
