რუსულმა მედიამ გაავრცელა ინფორმაცია და "ლელოშიც" ვწერდით, რომ გორის "დილას" მარჯვენაფლანგელი კახა ალადაშვილი ხაბაროვსკის "სკა ენერგიაში" ჩაირიცხა. თუმცა ხაბაროვსკში არ დასტურდება "ამურ პრესის" ინფორმაცია, თითქოს, 30 წლის ქართველი "სკა ენერგიასთან" ერთად შეკრებაზე ისრაელში იმყოფება.
მას თბილისში დავუკავშირდით. აღმოჩნდა, რომ ალადაშვილს კლუბთან კონტრაქტი ჯერ არ გაუფორმებია, მიუხედავად იმისა, რომ მისი საკითხი გადაწყვეტილია.
საქმე ისაა, რომ ალადაშვილს რუსეთში სათამაშოდ შრომის ვიზის აღება სჭირდება და ამ საკითხის მოგვარებას ელოდება. ეს კი, მოგეხსენებათ, საკმაოდ რთული და ხანგრძლივი პროცედურაა.
"სკა ენერგიამ" ისრაელში მოსამზადებელი შეკრება 11
სავარაუდოდ, "დილას" ყოფილი ფეხბურთელი ხაბაროვსკელებს მეორე შეკრებაზე შეუერთდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
