ივანე ჯავახიშვილის სახელობის თბილისის სახელმწიფო უნივერსიტეტის გუნდმა (თსუ) ფუტსალის უეფას თასის პირველი ეტაპი წარმატებით დასძლია და შესარჩევ ეტაპზე გადავიდა. ავთანდილ ასათიანის გაწვრთნილი საქართველოს ჩემპიონი 15-21 ოქტომბრამდე მაკედონიაში გაემგზავრება, სადაც მისი მეტოქეები ძირითადი რაუნდის II ჯგუფში აზერბაიჯანული "არაზი", მაკედონიური "ჟელეზარეცი" და H ჯგუფის გამარჯვებული კოსოვოს "ფენიქსი" იქნებიან. ამ უკანასკნელთან ქართული გუნდის მოხვედრა დიდად სასიამოვნო ამბავი არ არის, რადგან საქართველო მას საერთაშორისო სამართლის სუბიექტად არ აღიარებს, მაგრამ კოსოვოს ფიფა და უეფა აღიარებს და ჩვენს ჩემპიონს სხვა გზა არც დარჩენია - უნდა ითამაშოს.
...მაგრამ საქმე ისაა, რომ საქართველოს მეტოქეები არ იქნებიან ლატვია, საფრანგეთი, ნორვეგია, შვედეთი, ინგლისი და საბერძნეთი. ამავე დროს, ჩვენთან მე-4 კალათის გუნდები მოხვდებიან, ერთი მათგანი კი კოსოვოს ნაკრებია. წილისყრამ ეს ნაკრები რომ შეგვახვედროს, მაშინ საქართველო ვალდებული იქნება, უმასპინძლოს იმ სეპარატისტული ქვეყნის წარმომადგენელს, რომელსაც არ აღირებს.
იმედი მხოლოდ უეფას დანაპირებია, რომ მსგავს ვითარებებს ისე დაარეგულირებს, მის წევრ ქვეყნებს შორის პრობლემა საწყის ეტაპზევე მოგვარდეს.
ფაქტია, რომ პრევენციული ზომების მიღება აუცილებელია და კოსოვოს ნაკრები საქართველოში არ უნდა ჩამოვიდეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
