თურქულ შეკრებაზე მყოფი გორის "დილა" 14 თებერვალს მორიგ საკონტროლო მატჩს გამართავს. როგორც შევიტყვეთ, გორელთა მეტოქე ამჯერად რუსეთის პრემიერლიგის მე-7 ადგილოსანი "როსტოვი" იქნება.ჩვენი ინფორმაციით, "დილას" თურქეთში კიდევ ერთი ლეგიონერი შეუერთდა. ეს 20 წლის ნიგერიელი მცველი ალიუ აბუბაქარია, რომელიც 2016 წლის მარტში ნიგერიული "მუტუნჩი აკადემიიდან" ფინურ "კუპსში" გადაბარგდა. აბუბაქარს 2017 წლის 1 იანვრიდან თავისუფალი აგენტის სტატუსი ჰქონდა. მანამდე მას ნიგერიის 17-წლამდელთა ნაკრებშიც აქვს ნათამაშები.
