სლავენ ბილიჩის გადაყენების შემდეგ, ლონდონის "ვესტ ჰემი" მენეჯერად პეტერბურგის "ზენიტის" მწვრთნელის რობერტო მანჩინის დანიშვნას აპირებდა და იტალიელიც თანახმა ყოფილა, ოღონდ ნამეტანი დიდი ხელფასი მოუთხოვია - ყოველწლიურ გასამრჯელოდ 15 მილიონი ფუნტი (დაახლოებით ამდენს იღებს მანჩესტერ იუნაიტედის თავკაცი ჟოზე მოურინიო) და პლუს, იტალიაში 62-ჯერ გადაფრენა.
აქედან, 10-ჯერ კერძო თვითმფრინავით და 52-ჯერ ბიზნეს - კლასით. "ჩაქუჩებისთვის" რა თქმა უნდა, ეს მოთხოვნა მიუღებელი გახლდათ და გუნდი დევიდ მოიესს ჩააბარეს.