ცნობილი და გავლენიანი იტალიელი სპორტული ჟურნალისტის, ფაბრიციო რომანოს ინფორმაციით, მიმდინარე სეზონის დასრულების შემდეგ "ნაპოლის" ახალი სპორტული დირექტორი ჯუზეპე მანა გახდება. ის ამჟამად "იუვენტუსში" მუშაობს და ტურინულ გუნდში სწორედ "პარტენოპეიდან" გადასული კრისტიანო ჯუნტოლის მარჯვენა ხელია. სწორედ ამ ადამიანთანაა დაკავშირებული "ვეკია სინიორას" მთავარ კლუბში ახალგაზრდა ფეხბურთელების დაწინაურება.
მოკლედ, ჩვენი იტალიელი კოლეგები წერენ, რომ აურელიო დე ლაურენტისი მანას სრულ თავისუფლებას მისცემს, მისი მოსაყვანი იქნება ახალი მთავარი მწვრთნელი და წასამართი ექნება სატრანსფერო ფანჯარა.
ინფორმაციისთვის, "ნაპოლიდან" ზაფხულში ვიქტორ ოსიმენის აბარგებას წინასწარმეტყველებენ, ასევე ბევრი იწერება ხვიჩა
შეხსენებისთვის, "ნაპოლის" სპორტული დირექტორის პოსტს ახლა მაურო მელუზო იკავებს, რომელიც გუნდში მიმდინარე სეზონის დასაწყისში "სპეციადან" მივიდა და სწორედ "იუვენტუსში" გადაბარგებული კრისტიანო ჯუნტოლი შეცვალა.
