კუნთის ტრავმის გამო "მილანის" ფორვარდი ჯაკომო ბონავენტურა გუნდს ორი-სამი კვირის განმავლობაში გამოაკლდება. იტალიის ნაკრების ფეხბურთელმა ტრავმა გასულ კვირას მიიღო. სწორედ ამის გამო არ იყო ის "მილანის" განაცხადში იტალიის ჩემპიონატის სასტარტო შეხვედრაში, რომელშიც ვინჩენცო მონტელას გაწვრთნილებმა "კროტონეს" სტუმრად 3:0 მოუგეს."ბონავენტურას კუნთი აქვს გაჭიმული. ერთი შეხედვით, ტრავმა სერიოზული არ არის, მაგრამ არის რიგი გარემოებებისა, რაც გვაიძულებს, ფრთხილად ვიყოთ. ის ორ-სამ კვირას გამოტოვებს, რათა სრულად მოშუშდეს და მთელი სეზონის განმავლობაში მაქსიმალურად დაიტვირთოს. ჩვენ ტრავმის ყველა რეციდივი უნდა მოვსპოთ და მხოლოდ ამის შემდეგ
"როსონერის" ბანაკში მატებაცაა. გუნდს 22 წლის მცველი ალესიო რომანიოლი დაუბრუნდა. ფეხბურთელი შეძლებს თამაშს ევროპალიგის პლეი-ოფის საპასუხო შეხვედრაში, რომელშიც "მილანი" მაკედონიურ "შკენდიას" დაუპირისპირდება. თუმცა "როსონერის" პირველი შეხვედრა 6:0 აქვს მოგებული და რომანიოლის გარეშეც იოლად გავიდოდა ფონს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
