ინგლისის პრემიერლიგის 32-ე ტურში "ტოტენჰემი" გასვლაზე "ნიუკასლთან" 1:6 განადგურდა, რის შემდეგაც გუნდის დროებითი მწვრთნელი კრისტიან სტელინი გადააყენეს. იტალიელის ნაცვლად "დეზებს" ასევე დროებით გუნდის ყოფილი ფეხბურთელი რაიან მეისონი სეზონის ბოლომდე დამოძღვრავს.
ბრიტანულ პრესაში გავრცელებული ინფორმაციით კი, "სპურსს" ზაფხულში კლუბის ჩაბარების ორი კანდიდატი ეყოლება.
პირველი და პრიორიტეტული იულიან ნაგელსმანი იქნება, ხოლო მეორე მენეჯერი "ფეიენოორდის" ამჟამინდელი დამრიგებელი არნე სლოტი გახლავთ.
