გერმანიის ნაკრების თავდამსხმელი მარიო გომესი "ვოლფსბურგს" რამდენიმე კვირის განმავლობაში ვერ დაეხმარება. 32 წლის ბომბარდირი დაშავდა ბუნდესლიგის მესამე ტურში, რომელშიც "მგლები" შინ "ჰანოვერს" დაუზავდნენ (1:1). გომესი 41-ე წუთზე შეცვალეს. სამედიცინო გამოკვლევამ მარცხენა ფეხზე მყესების დაზიანება აჩვენა.
"გომესთან დაკავშირებით გარისკვას არ ვაპირებთ. მას კონსერვატიული მეთოდებით ვუმკურნალებთ. ჩავთვალოთ, რომ მარიო რამდენიმე კვირის განმავლობაში ვერ ითამაშებს", - თქვა "ვოლფსბურგის" ექიმმა გიუნტერ ვილჰელმმა.
ყოველდღიური სპორტული გაზეთი "ლელო"
