ლუკაკუ დიეტაზე დასვეს - მიზანი 101 კგ-მდე ჩამოსვლაა... რისი ჭამა შეეძლება ბელგიელს

"ინტერში" იჯარით დაბრუნებული რომელუ ლუკაკუ მილანურმა გუნდმა დიეტაზე დასვა და ბელგიელი 101კგ-მდე უნდა გახდეს.

29 წლის ფეხბურთელისთვის შეიმუშავეს სპეციალური ხმელთაშუა ზღვის დიეტა. ის მიირთმევს სალათს, თევზს, ქათამს და შირატაკის მაკარონს.

შეგახსენებთ, რომ ლუკაკუ "ნერიაძურის" ღირსებას 2019-დან 2021 წლის ჩათვლით იცავდა, ის შემდეგ "ჩელსიში" გადაბარგდა, წელს კი იჯარით "სან სიროზე" დაბრუნდა.