უეფას ოფიციალურ საიტზე ჩატარებული გამოკითხვის შედეგად ცნობილი გახდა, რომ ჩემპიონთა ლიგის ჯგუფური ეტაპის მე-2 ტურის საუკეთესო მოთამაშედ მადრიდის "რეალის" თავდამსხმელი კრიშტიანო რონალდო მიიჩნიეს, რომელმაც დორტმუნდის "ბორუსიას" დუბლი შეუსრულა. მას გამოკითხულთა 35%-მა მისცა ხმა.
მეორე ადგილზე 27%-ით პსჟ-ს ფორვარდი ნეიმარი გავიდა, ხოლო მესამეზე ლონდონის "ტოტენჰემის" თავდამსხმელი ჰარი კეინი (16%).