საქართველოს თასი. 1/8-ფინალი: ქუთაისის "ტორპედო" მეოთხედფინალშია

AutoSharing Option
26 აპრილს საქართველოს თასის მერვედფინალური დღის ბოლო მატჩი გაიმართა.

რამაზე შენგელიას სახელობის სტადიონზე ქუთაისი "ტორპედო" "სამტრედიას" შეხვდა და ანგარიშით 2:0 დაამარცხა.

შეხვედრაში ანგარიში 56-ე წუთზე გიორგი კუხიანიძემ პენალტით გახსნა. 90-ე წუთზე კი ბექა ტუღუშმა უპირატესობა ორამდე გაზარდა.

შესაბამისად "ტორპედომ" მეოთხედფინალის საგზური მოიპოვა. შეგახსენებთ, რომ დღეს ასევე მეოთხედფინალში გავიდნენ: თბილისის "დინამო", "შევარდენი" და "ნორჩი დინამო".