ლოჩოშვილი არ ათამაშეს - კაცნაკლულმა "კრემონეზემ" "პალერმოსთან" ფრეს მიაღწია

სერია B-ს 26 ტურში „კრემონეზესა“ და „პალერმოს“ მატჩი 2:2 დასრულდა.

ამ შეხვედრას დიდი მნიშვნელობა ჰქონდა, რადგან ერთმანეთს სერია A-ში დაბრუნების პრეტენდენტები ხვდებოდნენ. კრემონელები მე-16 წუთზე სერნიკოლას გაძევების გამო კაცნაკლულები დარჩნენ, სტუმრები კი 2:0 დაწინაურდნენ. თუმცა მასპინძლებმა შესვენების შემდეგ ანგარიშის გათანაბრება შეძლეს და ფრეს მიაღწიეს.

მასპინძელთა გუნდის მცველი ლუკა ლოჩოშვილი სათადარიგო იყო.

„კრემონეზე“ 47 ქულით მეორე ადგილზეა და 27 თებერვალს გენუაში „სამპდორიას“ დაუპირისპირდება.

კრემონა. „ჯოვანი ძინი“
კრემონეზე - პალერმო 2:2
გოლები: 0:1 ბრუნორი (18, პენ), 0:2 რანოკია (44),1:2 კასტანეტი (49), 2:2 კოდა (50)