„ვალენსიას“ მეკარე გიორგი მამარდაშვილმა მორიგი კარგი მატჩი ჩაატარა, რამდენიმეჯერ გადაარჩინა თავისი გუნდი, გამოსვლებზეც დამაჯერებელი იყო, დროის გაყვანისთვის ყვითელი ბარათი მიიღო და ანალიტიკური საიტებისგან მაღალი შეფასება დაიმსახურა:
Sofascore 7.4, flashscore 6.9, Whoscored 6.8.
დებიუტში „ღამურები“ დურომ დააწინაურა, ანგარიში პენალტით ალკარასმა გაათანაბრა. მეორე ტაიმი მასპინძლებმა აქტიურად დაიწყეს, გოლი კი მათ დიეგო ლოპესმა გაუტანა. „კადისის“ კარის დალაშქვრა შეცვლაზე შესულ მარისაც შეეძლო, მაგრამ რეალური მომენტი ვერ გამოიყენა. სამაგიეროდ ბოლოს გერამ და ვასკესმაც გაიტანეს და „ვალენსიამ“ მოიგო.
„ვალენსიამ“ ჩემპიონატზე ზედიზედ მესამე გამარჯვება მოიპოვა, ყველა ტურნირზე ბოლო 5 მატჩში დაუმარცხებელია, 29 ქულით მერვე ადგილზეა, ევროტურნირებზე გასასვლელ ზონას 3 ქულა აშორებს და 17 იანვარს თასზე „სელტას“ უმასპინძლებს.
კადისი. „ნუევო მირანდილია“. 18 662 მაყურებელი
კადისი - ვალენსია 1:4
გოლები: 0:1 დურო (8), 1:1 ალკარასი (21, პენ), 1:2 დიეგო ლოპესი (52), 1:3 გერა (90+4), 1:4 ვასკესი (90+8)
"ვალენსია" თასის მერვედფინალში გაჭირვებით გავიდა
![მამარდაშვილის გაძევება და ლევანდოვსკის ჰეთ-თრიკი - "ვალენსია" "ბარსელონასთან" დამარცხდა [VIDEO]](/pictures/image7/d8b9c9a28bb35fa7c1b48ea2de4dceb8.jpg "მამარდაშვილის გაძევება და ლევანდოვსკის ჰეთ-თრიკი - \"ვალენსია\" \"ბარსელონასთან\" დამარცხდა [VIDEO]")
!["ვალენსია" სტუმრად "ბარსელონას" 2:1 ამარცხებს - მამარდაშვილი გააძევეს [VIDEO]](/pictures/image7/e03e6a751bd32359a37973692d5b9ddc.jpg "\"ვალენსია\" სტუმრად \"ბარსელონას\" 2:1 ამარცხებს - მამარდაშვილი გააძევეს [VIDEO]")
