წიტაიშვილი: თუ "დინამოს" ვჭირდები, დამიკავშირდებიან

კიევის "დინამოდან" "ლეხში" იჯარით წასულმა ნახევარმცველმა გიორგი წიტაიშვილმა თავის მომავლის შესახებ ua-football-თან ინტერვიუში ისაუბრა.

- ჯერ კონკრეტულად არავისთან არ მისაუბრია. ვფიქრობ, ამას განსაკუთრებული აზრი არ აქვს, ვინაიდან პოლონეთისა და უკრაინის ჩემპიონატები ჯერ კიდევ მიმდინარეობს. თუ "დინამოს" ვჭირდები, სატრანსფერო ფანჯრისას დამიკავშირდებიან.

- აქ დარჩენას არ ვაპირებ. კლუბს ჩემი კონტრაქტის გამოსყიდვის ან იჯარის გაგრძელების არანაირი ოფცია არ აქვს. ვიცი, რომ "ლეხის" ხელმძღვანელობამ კონტრაქტის შესაძლო გამოსყიდვის თაობაზე "დინამოს" მიმართა, მაგრამ მხარეებმა მოლაპარაკება ვერ შეძლეს. როგორც ჩანს, პირობებზე ვერ შეთანხმდნენ. ასე რომ, ჩემი შემდგომში აქ დარჩენის საკითხი აქტუალური არაა.

- დიახ, ინტერესი არის. მე მათ ვესაუბრები, მაგრამ ჯერ რამეზე ლაპარაკი ადრეა. უფრო მეტი კონკრეტიკა ზაფხულში იქნება.

- მე ფეხბურთის თამაში მინდა. იმ შეთავაზებას ავირჩევ, რომელიც ჩემი სურვილის შესაბამისი იქნება. მესმის, სათამაშო დროის გარანტიას არცერთი მწვრთნელი არ მომცემს. თუმცა, აუცილებელია ვიცოდე, რომ ჩემზე იმედებს ამყარებენ. აი, ასეთ ვარიანტს გამოვეხმაურები.

"წიტაიშვილს ნდობა სჭირდება - ვიცით, ქართველები ემოციურები არიან" - კიევის "დინამოს" მწვრთნელმა გიოზე ისაუბრა