უნგრეთის ჩემპიონატის 22-ე ტურში ბუდუ ზივზივაძემ დუბლი შეასრულა.
"მეზოკოვეშდთან" საშინაო მატჩში ზივზივაძე და გიორგი ბერიძე სასტარტოში იყვნენ, ბუდუმ შეუცვლელად ითამაშა და დუბლი შეასრულა, ხოლო ბერიძემ 66-ე წუთზე პენალტი ვერ გამოიყენა და 88-ე წუთზე შეცვალეს.
ზივზივაძე "უიპეშტში" "ფეჰერვარიდან" იჯარის წესით გადავიდა, გასულ ტურში ამ გუნდს გოლი გაუტანა, ახლა კი თავის კიდევ ერთ ყოფილ კლუბთან დუბლი შეასრულა. მან ამ სეზონში ჩემპიონატის 14 შეხვედრაში 5 გოლი გაიტანა.
"უიპეშტმა", რომელიც უმაღლეს დივიზიონში დარჩენისთვის იბრძვის,
ზედიზედ მეორე გამარჯვება მოიპოვა, 12-გუნდიან ჩემპიონატზე 24 ქულით მე-10 ადგილზეა, გასავარდნ ზონას თავი დააღწია და 5 მარტს "პუშკაშს" უმასპინძლებს, იქამდე კი 2 მარტს თასზე გასვლაზე "ბეკესშაბას" დაუპირისპირდება.
![alt](/pictures/image50/8027e87606f7a65deb21626bd7e3d704.jpg "ბუდუ "უიპეშტის" გაჭირვების ტალკვესია - 3 გოლი 2 მატჩში ახალ გუნდში [VIDEO]")
ზივზივაძემ პირველივე მატჩში "ფეჰერვარზე" ჯავრი იყარა [VIDEO]
