საფეხბურთო კლუბ "რუსთავს" ახალი მთავარი მწვრთნელი ჰყავს. დღეიდან გუნდს ვარლამ კილასონია გაწვრთნის. შეგახსენებთ, კილასონია გასული წლის მაისში გუნდის მთავარ მწვრთნელად ვლადიმერ გაზაევის წასვლის შემდეგ დაინიშნა. მან აგვისტოში ორმხრივი შეთანხმების საფუძველზე მთავარი მწვრთნელის პოსტი დატოვა და ახალგაზრდული ფეხბურთის განვითარების პროგრამის ხელმძღვანელად დაბრუნდა.
მიმდინარე სეზონში "რუსთავს" ბადრი კვარაცხელია წვრთნიდა, რომელმაც გუნდი ჯანმრთელობის გაუარესების გამო დატოვა. სწორედ კვარაცხელიას შეცვლის ვარლამ კილასონია, რომელიც გუნდთან პირველ ვარჯიშს ხვალ გამართავს.
წყარო: fcrustavi.ge
