შოთა ფარტენაძე და გენო პეტრიაშვილი პარიზის ტურნირის გამარჯვებულები გახდნენ

პარიზში დასრულებულ მოჭიდავეთა საერთაშორისო ტურნირში წარმატებით იასპარეზა საქართველოს თავისუფალი სტილით მოჭიდავეთა ნაკრებმა.

ჩვენები იქ სულ 5 ფალავანით იყვნენ წასული, სამშობლოში კი ორი ოქროთი ბრუნდებიან.

ტურნირის ჩემპიონები შოთა ფარტენაძე (61) და ევროპის ჩემპიონი, მსოფლიოსა და ოლიმპიადის მესამე პრიზიორი გენო პეტრიაშვილი (125) გახდნენ.

ევროპის ვიცე-ჩემპიონი დავით ტლაშაძე, ვინც ამჯერად 74 კილოგრამში გამოვიდა, მეშვიდე იყო. ლევან მურცხვალაძე (570 და ავთანდილ კენჭაძე (74) კი ადრევე გამოვარდნენ.

57 კილოგრამში ფინალში იჭიდავა იტალიაში გადასულმა გივი დავიდოვმა.