ქართველი მოკრივის, ავთანდილ ხურციძის ოჯახს ინფორმაცია არ აქვს, აშშ-ში დაკავებულ საქართველოს მოქალაქეებს შორის არის თუ არა მათი ოჯახის წევრიც. როგორც "ინტერპრესნიუსს" ავთანდილ ხურციძის დედამ, მაყვალა ხურციძემ განუცხადა, შვილს გუშინ ესაუბრა.
"არაფერი ვიცი, ავთო საქართველოდან ამერიკაში გუშინ, დილის 4 საათზე გაემგზავრა. 8 ივლისს აშშ-ში შეჯიბრი აქვს. სხვა მეტს ვერაფერს გეტყვით. ჩაფრენისათანავე ვესაუბრეთ და გვითხრა, რომ კარგად იმგზავრა", - განაცხადა მაყვალა ხურციძემ.
არაოფიციალური ინფორმაციით, ნიუ-იორკში
ეჭვები აშშ-ის იუსტიციის სამინისტროს მიერ გავრცელებულ ინფორმაციაში ჩამოთვლილი საქართველოს მოქალაქეების სახელებმა და გვარებმა გააჩინა. აშშ-ის ინფორმაციით, ქართველებიდან დაკავებულები არიან: რაჟდენ შულაია, ზურაბ ჯანაშვილი, აკაკი უბილავა, ჰამლეტ უგლავა, მამუკა ჩაგანავა, მიხეილ თორაძე, ავთანდილ კანადაშვილი, ნაზო გაფრინდაშვილი, ზურაბ ბუზიაშვილი, გიორგი ლომიშვილი, დიეგო გაბისონია, ლევან მაყაშვილი, ავთანდილ ხურციძე, ერეკლე კერესელიძე, ნიკოლოზ ჯიქია.
- კრივის ფედერაციაში არ ფლობენ ავთანდილ ხურციძის დაკავების შესახებ ინფორმაციას
ავთანდილ ხურციძე WBO-ს ვერსიით დროებითი მსოფლიოს ჩემპიონია, ლევან მაყაშვილი - შერეული ორთაბრძოლების UFC-ს მებრძოლი.
მომზადებულია interpressnews.ge-ს მიხედვით
![ძალიან კარგი ამბავი - შესაძლოა, ავთანდილ ხურციძე მალე გაათავისუფლონ [PHOTO]](/pictures/image7/01d26bf074e8b7bbf31d004816a78c21.jpg "ძალიან კარგი ამბავი - შესაძლოა, ავთანდილ ხურციძე მალე გაათავისუფლონ [PHOTO]")
