ნიკოლოზ ბასილაშვილი ATP-ის რეიტინგში 14 საფეხურით დაწინაურდა და ამჟამად 53-ე ადგილს იკავებს. აღსანიშნავია, რომ ბასილაშვილისთვის ეს რეკორდული მაჩვენებელია ATP-ის რეიტინგში. ამაზე მაღალ საფეხურზე ქართველი ჩოგბურთელი ჯერ არ ყოფილა.
შეგახსენებთ, რომ ბასილაშვილი მემფისის ტურნირის ფინალში ამერიკელ რაიან ჰარისონთან დამარცხდა.
- ნიკოლოზ ბასილაშვილი მემფისის ტურნირის ფინალში დამარცხდა [VIDEO]
ქართველმა ჩოგბურთელმა მემფისის ტურნირის ფინალში ამერიკელ რაიან ჰარისონთან დამარცხების შემდეგ კომენტარი გააკეთა.
"პირველ სეტში ჩემი რიტმი ვერ ვიპოვე. საკმარისად აქტიურად არ ვთამაშობდი, უმეტესად, თავს ვიცავდი. რაიანი ბრეიქ-პოინტებზე კარგად აწვდიდა. მეორე სეტში ბევრი შანსი მქონდა,
რაიანმა დაუჯერებლად ითამაშა 12 ბრეიქ-პოინტზე. ის მაიძულებდა, ბევრი დარტყმა გამეკეთებინა, რაც მას საკმაოდ ეხმარებოდა. საერთო ჯამში, ამ კვირას მან კარგად ითამაშა", - თქვა ბასილაშვილმა ტურის ოფიციალურ ვებგვერდთან საუბარში.
აქვე გეტყვით, რომ ბასილაშვილი "დელრეი ბიჩის" ტურნირზე იასპარეზებს, სადაც მისი მეტოქე 38 წლის გერმანელი ტომი ჰაასი იქნება. შეხვედრა 21 თებერვალს, თბილისის დროით 20:00 საათზეა ჩანიშნული, თუმცა დრო შეიძლება შეიცვალოს.
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
