ირლანდიის ნაკრებს, რომელმაც გასულ უქმეებზე დრამატულ ორთაბრძოლაში წააგო შინ უელსის ეროვნულ გუნდთან - 21:23, წინ კიდევ ერთი უმძიმესი გამოცდა ელის. "სამყურები" ამჯერად სტუმრად ეთამაშებიან ექვსი ერის გათამაშების უმთავრეს ფავორიტს, საფრანგეთის ნაკრებს.
ირლანდიელთა მთავარმა მწვრთნელმა დეკლან კიდნიმ გუნდში დააბრუნა შუამარბი ქის ირლზი. მას "წითელ ურჩხულებთან" არ უთამაშია, რადგან სწორედ გასულ უქმეებზე შვილი შეეძინა. 24 წლის მორაგბემ ამჯერად ფერგიუს მაკფადენის ადგილი დაიკავა, ამ უკანასკნელმა კი სათადარიგოთა შორის გადაინაცვლა.
"სამყურების" მთავარმა მწვრთნელმა ისევ ძირითად შემადგენლობაში დატოვა მგეზავი ჯონათან სექსტონი, მაშინ, როცა თანამედროვეობის ერთ-ერთი
ირლანდიის ნაკრებს პარიზში 1972 წლის მერე აღარ მოუგია. ამჯერად, ამ მატჩს ირლანდიელებისთვის ბევრად დიდი მნიშვნელობა აქვს.
წაგების შემთხვევაში "სამყურები" ტიტულის მოპოვების შანსს დაკარგავენ და მათ მწვრთნელს უამრავ კითხვაზე მოუწევს პასუხის გაცემა.
"უელსის ნაკრებთან მატჩში დაშვებული შეცდომები გავითვალისწინეთ და ახლა ბევრად უკეთ ვართ მზად სათამაშოდ. ამჯერად, სტუმრად, სახლიდან შორს უკან დასახევი გზა აღარ გვაქვს. ყველაფერი უნდა ვიღონოთ გამარჯვების მისაღწევად. ძალიან მაღიზიანებს ის ფაქტი, რომ საფრანგეთის ნაკრებისთვის პარიზში დიდი ხანია არ მოგვიგია. ასე რომ, მიზანი ყველასთვის ცნობილია და მჯერა, რომ მისი მიღწევა ჩვენს გუნდს ნამდვილად შეუძლია." - თქვა ირლანდიის ნაკრების კაპიტანმა პაულ ოკონელმა.
ირლანდია: 15. რობ კირნი, 14. ტომ ბოვი, 13. ქის ირლზი, 12. გორდონ დარსი, 11. ანდრიუ ტრიმბლი, 10. ჯონათან სექსტონი, 9. კონორ მურეი. 1. კიან ჰილი, 2. რორი ბესტი, 3. მაიკ როსი, 4. დონჩა ოკალაჰანი, 5. პაულ ოკონელი, 6. სტივენ ფერისი, 7. შონ ობრაიანი, 8. ჯიმი ჰისლიპი.
16. შონ კრონინი, 17. ტომ კარტი, 18. დონჩა რაიანი, 19. პიტერ ომაჰონი, 20. ევან რედანი, 21. რონან ოგარა, 22. ფერგიუს მაკფადენი.
ყოველდღიური სპორტული გაზეთი "ლელო"
