მსოფლიო რაგბიმ გია ნიჟარაძე დააფასა

მსოფლიო რაგბიმ საქართველოს რაგბის კავშირის ყოფილი პრეზიდენტი გია ნიჟარაძე რაგბის განვითარებაში შეტანილი წვლილისთვის სპეციალური პრიზით, ვერნონ პიუს პრემიით დააჯილდოვა.

გია ნიჟარაძე 2004-07 წლებში რაგბის კავშირის გამგეობის წევრი, 2008-16 წლებში კი რაგბის კავშირის პრეზიდენტი იყო. 2012 წლიდან ის ასევე არის რაგბი ევროპის ვიცე-პრეზიდენტი, 2016 წლიდან კი საქართველოს წარმომადგენელი მსოფლიო რაგბიში.

ვერნონ პიუს ჯილდო 2001 წელს დაწესდა. ის გადაეცემა პიროვნებას, კავშირს ან ჯგუფს, რომელსაც საკუთარ ქვეყანაში და მის ფარგლებს გარეთ რაგბის განვითარებაში დიდი წვლილი მიუძღვის.