იხილეთ გახსნის ცერემონიალის ვიდეო
სანტა-კლარაში, სტადიონ "ლევაისზე" გამართულ შეხვედრაში კოლუმბიელებმა ანგარიში უკვე მე-8 წუთზე გახსნეს. ზუსტი დარტყმით "მილანის" მცველი კრისტიან საპატა გამოირჩა, საგოლე პასი კი ედვინ კარდონამ შეასრულა. 42-ე წუთზე კოლუმბიელთა უპირატესობა ორბურთიანი "რეალის" ნახევარმცველმა ხამეს როდრიგესმა 11-მეტრიანით გახადა.
შეხვედრის მეორე ნახევარში აშშ-ის ნაკრები ცდილობდა მდგომარეობის გამოსწორებას, მაგრამ ამაოდ - იურგენ კლინსმანის შეგირდებმა მარცხს თავი ვერ დააღწიეს.
შედეგად, კოპა ამერიკის A ჯგუფში, სადაც ასევე გამოდიან კოსტა-რიკისა და პარაგვაის ნაკრებები, კოლუმბია გალიდერდა.
