"მილანის" ჩინური კონსორციუმისთვის, Sino-Europe Sports-ისთვის მიყიდვის პროცესი ჭიანურდება. ამის შესახებ Football Italia იუწყება. მანამდე გავრცელებული ინფორმაციით, კლუბის მფლობელ სილვიო ბერლუსკონის "მილანი" 13 დეკემბერს უნდა გაეყიდა, მაგრამ ეს გამოცხადებულ ვადაში აღარ მოხერხდება. გამოცემის ცნობით, გარიგების დასრულება მომავალი წლის 3 მარტისთვის გადაიდო.
რა გახდა "მილანის" გაყიდვის გადადების მიზეზი, უცნობია. ცნობილია ის, რომ Sino-Europe Sports-მა 12 დეკემბრისთვის 100 მლნ ევროს ოდენობის დამატებითი დეპოზიტი უნდა გაიღოს.
ცოტა ხნის წინ ბერლუსკონიმ განაცხადა, რომ თუკი ჩინელებთან გარიგება ჩაიშლება, "მილანი" განვითარების სხვა კურსს აირჩევს.
