შეაგროვე "უძლეველი არმადა"

7 ივნისს, მადრიდის "ხეტაფეს" სტადიონ "ალფონსო პერესზე", საქართველოს ეროვნული გუნდი ამხანაგურად გაეჯიბრება ევროპის მოქმედ ჩემპიონს, ესპანეთის ნაკრებს.

"წითელი ფურიასთვის" (იგივე "უძლეველი არმადა". - ავტ.) ეს ბოლო თამაშია "ევრო-2016"-მდე, კონტინენტის პირველობა კი ვისენტე დელ ბოსკეს სამწყსოსთვის 13 ივნისს დაიწყება ჩეხეთის ნაკრებთან მატჩით.

ესპანეთის ნაკრები ევროპის სამგზის ჩემპიონია (ისევე, როგორც გერმანია) და ერთადერთი გუნდი, რომელმაც კონტინენტის პირველობის მოგება ზედიზედ ორჯერ შეძლო!

იქამდე ესპანეთის ნაკრები წლების განმავლობაში ასოცირდებოდა უიღბლობასთან: რაც უნდა ძლიერი შემადგენლობა ჰყოლოდათ, პირინეელები დიდ ტურნირებზე 1/4-ფინალზე შორს წასვლას ვერაფრით ახერხებდნენ.

ნავსი ევროპის 2008 წლის პირველობაზე, პირდაპირ ჩემპიონობით გატყდა - ესპანელებმა ექვსიდან ხუთი მატჩი მოიგეს, ფინალში გერმანიას აჯობეს - 1:0 და 1964 წლის შემდეგ პირველად გახდნენ ევროპის ჩემპიონები.

სწორედ 2008 წელს დაიწყო ესპანური ფეხბურთის ჰეგემონია. როგორც უკვე აღვნიშნეთ, "ფურია როხა" ერთადერთი ნაკრებია, რომელმაც ზედიზედ ორი ევროპირველობის, მათ შუალედში კი, მსოფლიო ჩემპიონობის მოგებაც მოახერხა! ამ წლების დამსახურებაა ესპანელთა შთამბეჭდავი მეტსახელიც - "უძლეველი არმადა"!

სამხრეთ აფრიკაში გამართული მუნდიალი ესპანელებმა შვეიცარიასთან სენსაციური მარცხით დაიწყეს, თუმცა მერე ზედიზედ მოიგეს ექვსი (ქვეჯგუფიდან გასვლის შემდეგ, ყველა მატჩი ერთნაირი ანგარიშით 1:0) შეხვედრა და პირველად გახდნენ მსოფლიო ჩემპიონები.

2008 წლის მსგავსად, "ფურიამ" ევროპის 2012 წლის ჩემპიონატზეც 12 ბურთი გაიტანა და ტურნირი ამჯერადაც წაუგებლად დაასრულა.

აღსანიშნავია, რომ დელ ბოსკეს შეგირდებმა ჩემპიონატის პირველი და ბოლო მატჩი იტალიელებთან გამართეს: ჯგუფური ეტაპის პირველი ტური 1:1 დასრულდა, "ევრო-2012"-ის ფინალში კი ესპანეთმა 4:0 გაანადგურა პრინციპული მეტოქე.

ევროპის მომავალი ჩემპიონატი მეცხრე იქნება ესპანეთის ნაკრებისთვის, რომელსაც სწორედ 2008 წლიდან წვრთნის ვისენტე დელ ბოსკე. მსოფლიო ჩემპიონატზე კი პირინეელებს 14-ჯერ უთამაშიათ...

რაც შეეხება სტატისტიკას, ესპანეთის ნაკრების საუკეთესო ბომბარდირი დავიდ ვილიაა, რომელსაც "ფურიას" მაისურით 59 ბურთი აქვს გატანილი.

მეორე ადგილზეა ესპანური ფეხბურთისა და მადრიდის "რეალის" ლეგენდა რაულ გონსალეს ბლანკო - 44 გოლით. ესპანეთის ნაკრებში ყველაზე მეტი მატჩი - 166 შეხვედრა იკერ კასილასის ანგარიშზეა.

"პორტუს" მეკარე "ევრო-2016"-ის განაცხადშიც არის შეყვანილი, თუმცა მოახერხებს თუ არა ძირითადი შემადგენლობისთვის დევიდ დე ხეასთან ბრძოლას, ივნისში ვნახავთ...



დიახ, ევროპის ჩემპიონატი ივნისში იწყება, მაგრამ კონტინენტის პირველობისთვის მზადება უკვე დაწყებულია: საგაზეთო ჯიხურებში, სუპერმარკეტებსა და წიგნის მაღაზიებში იყიდება "პალიტრა L"-ის მიერ გამოცემული გზამკვლევი და სტიკერების ალბომი, რომელიც ევროპის ჩემპიონატს ეძღვნება.

ალბომში დეტალური ინფორმაციაა "ევრო 2016"-ის მასპინძელი სტადიონების, მონაწილე ნაკრებებისა და ფეხბურთელების შესახებ, ასევე - ევროპის ჩემპიონატების ისტორია, სხვადასხვა წლის გამორჩეული მოთამაშეები, ნაკრებები და ა.შ.

კოლექციონერმა სტიკერების ალბომი შესაბამისი სტიკერებით უნდა შეავსოს. უმაღლესი ხარისხით ნაბეჭდ სტიკერებზე აღბეჭდილია ევროპის ჩემპიონატის მონაწილე 24 ნაკრები და ყველა მოთამაშე.

კოლექციონერმა სტიკერების პაკეტები ცალკე უნდა შეიძინოს და ალბომში დარჩენილი ცარიელი ადგილები ეტაპობრივად შეავსოს.

პაკეტში სტიკერების ხუთი ბლოკი დევს. ალბომში ყველა ადგილი დანომრილია, ისევე, როგორც სტიკერები. შესაბამისად, კოლექციის მფლობელი იოლად მოუძებნის ადგილს პაკეტში მოთავსებულ სტიკერს.

ალბომის სპეციალური ფასია 3 ლარი, სტიკერების პაკეტის შეძენა კი, რომელშიც სტიკერების ხუთი ბლოკია მოთავსებული, 1 ლარად შეგიძლიათ.

იმ შემთხვევაში, თუ კოლექციონერი თითქმის ბოლომდე შეავსებს ალბომს და მხოლოდ რამდენიმე სტიკერი სჭირდება კოლექციის დასასრულებლად, სასურველი სტიკერების შეძენა ვებგვერდ www.biblusi.ge-ს მეშვეობით შეუძლია.

გაქვთ დამატებითი მოტივაციაც: ყველას, ვინც სრულად შეავსებს ალბომს სტიკერებით, საჩუქრად გადაეცემა ევროპის 2016 წლის ჩემპიონი ნაკრების მაისური!

ესპანეთის ნაკრებს საქართველოში უამრავი ქომაგი ჰყავს. ყველა მათგანს შეუძლია, "უძლეველი არმადა" ევროპის ჩემპიონატის დაწყებამდე კარგა ხნით ადრე შეაგროვოს...

მაგრამ რატომ მხოლოდ ესპანეთი?! არც შენი საყვარელი ნაკრებია ჯაბანი!

ამიტომაც უქომაგე საყვარელ ნაკრებს ევროპის ჩემპიონატზე.

ტურნირის დაწყებამდე კი შეიძინე "ევრო-2016"-ის ალბომი, შეავსე სრულად და ჩემპიონატის დასრულების შემდეგ მიიღე ევროპის ჩემპიონის მაისური!

ავტორი: რატი შელეგია