გიორგი არაბიძე: არც მენეჯერი მყავს და არც უკრაინაში ვაპირებ დარჩენას

საქართველოს 19-წლამდელთა ნაკრებისა და დონეცკის "შახტარის" ფეხბურთელი გაზეთ "ლელოში" დაბეჭდილ, მიხეილ მეტრეველის ინტერვიუს გამოეხმაურა და რამდენიმე დეტალი დააზუსტა.

- გიორგი არაბიძის მენეჯერი: მას ახლა ეს ჰაერივით სჭირდება, რომ გაიზარდოს

ინტერვიუში მეტრეველმა, როგორც ფეხბურთელის მენეჯერმა, განაცხადა, რომ გიორგის რამდენიმე გუნდიდან აქვს წინადადება, მათ შორის, ბელგიიდან და ჰოლანდიიდან, თუმცა არც მისი რომელიმე უკრაინულ კლუბში იჯარით გადასვლა გამორიცხა.

არაბიძემ Sportall.ge-ს განუცხადა, რომ მას მენეჯერი არ ჰყავს, დონეცკური გუნდის დატოვება კი ზაფხულის სატრანსფერო ფანჯრის პერიოდში გადაწყვეტილი ამბავია.

"არანაირი მენეჯერი არ მყავს. ვინც ჩემი სახელით ინტერვიუებს იძლევა, ტყუილს ავრცელებს. თუ ვინმეს სიმართლე აინტერესებს, აგერ, გეუბნებით და სხვებს ნუ დაუჯერებთ - "შახტარიდან" ჩემი წასვლა გადაწყვეტილი ამბავია, მაგრამ უკრაინულ გუნდში, თანაც იჯარით, ნამდვილად არ მივდივარ", - გვითხრა გიორგიმ.