საქართველოს ეროვნული ნაკრები ხვალ, 24 მარტს, "დინამო არენაზე" 2018 წლის მსოფლიოს ჩემპიონატის საკვალიფიკაციო ეტაპის მორიგ შეხვედრას სერბეთის ნაკრების წინააღმდეგ ჩაატარებს. ეროვნულ ნაკრებში გამოძახებულია ვენის "რაპიდის" ფორვარდი გიორგი ქვილითაიაც.ქვილითაია ერთ-ერთია იმ რამდენიმე ფეხბურთელს შორის, ვისაც კლუბში სათამაშო პრაქტიკის პრობლემა არ აქვს. 23 წლის ფორვარდი "რაპიდში" გასული წლის აგვისტოში თბილისის "დინამოდან" გადავიდა და ძირითად შემადგენლობაში ადგილი სწრაფად დაიმკვიდრა. ქართველ ფორვარდს "რაპიდის" მაისურით გოლებიც სტაბილურად გააქვს.
ქვილითაიამ Sportall.ge-სთან კლუბში შექმნილ სიტუაციასა და ნაკრების მოახლოებულ მატჩზე ისაუბრა.
"ვენას და "რაპიდს" უკვე შევეგუე, ადაპტაციის
კლუბთან 4-წლიანი კონტრაქტი მაქვს და ჯერ ჩემი სხვაგან წასვლა არც განიხილება.
კლუბში მუდმივი სათამაშო პრაქტიკა მაქვს და ვიმედოვნებ, რომ ეროვნულ ნაკრებშიც ვითამაშებ. სერბეთი ძალიან ძლიერი გუნდია და რთულ თამაშს ველი, თუმცა ტექნიკისა და გუნდურობის ხარჯზე შეგვიძლია მათი დამარცხება.
თანაც, საკუთარ მოედანზე თამაში ჩვენი უპირატესობაა, გულშემატკივრის იმედი მაქვს", - გვითხრა ქვილითაიამ.
