ჩვენი ინფორმაციით, თითქმის გადაწყვეტილია, რომ თბილისის "დინამოში" გააგრძელებს კარიერას საქართველოს ეროვნული ჩემპიონატის ერთ-ერთი საუკეთესო საყრდენი ნახევარმცველი, 22 წლის ბაქარ ქარდავა.
ბოლო წლების განმავლობაში ის "ცხინვალის" ერთ-ერთი ლიდერი იყო. ამ გუნდმა ეროვნული ჩემპიონატის უმაღლესი ლიგა დატოვა და ქარდავამაც გუნდიდან წასვლა გადაწყვიტა.
ნათლად ჩანს, რომ "დინამო" ყურადღებას აქცევს ნიჭიერ, ახალგაზრდა ქართველ ფეხბურთელებს და ეს უკვე მისასალმებელია.
ქარდავას საფეხბურთო კარიერა "სასკოში" დაიწყო. ამის შემდეგ ის "გაგრაში" თამაშობდა, მერე კი "ცხინვალს" მიაშურა, სადაც გუნდისთვის მნიშვნელოვან ფეხბურთელად ჩამოყალიბდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"