იურგენ კლოპი: აი, ეს იყო თამაში!

"ლივერპულის" მთავარმა მწვრთნელმა იურგენ კლოპმა "ვილიარეალთან" (3:0) ევროპის ლიგის საპასუხო ნახევარფინალური მატჩის შემდეგ კომენტარი გააკეთა.

- ევროპალიგა. 1/2-ფინალი. საპასუხო მატჩები: წითელი კოჭი ესპანურ ალყაში

"ბრწყინვალე საღამო და ჩემი გუნდის ბრწყინვალე თამაში. აი, ეს იყო თამაში! პირველი ნახევარი საათი ძალიან ემოციური იყო, ეს შესანიშნავია. პირველი ტაიმის ბოლო 15 წუთში კი სიმშვიდე დავკარგეთ.

მეორე ტაიმში უნდა გაგვეგრძელებინა ემოციური ფეხბურთის თამაში და ამავე დროს, ჭკუაც გვეხმარა.

ყველა საუბრობდა ამ გუნდზე, როცა მოვედი. საუბარი დონეზე, წარუმატებელ ტრანსფერებზე მიდიოდა. მე კი მოვედი, რადგან მეგონა, აქ შესანიშნავი გუნდი იყო. და აი, ჩვენ ფინალში ვართ, ბაზელში და სეზონი გავიხანგრძლივეთ", - თქვა კლოპმა.

მომზადებულია BBC-ის მიხედვით