მსოფლიოს ჩემპიონატი: საქართველოს ნაკრებმა ორი ოქრო და ერთი ბრინჯაო მოიპოვა [VIDEO]

საქართველოს თავისუფალი სტილით მოჭიდავეთა ნაკრებმა პარიზში გამართულ მსოფლიოს ჩემპიონატზე გამოსვლა ორი ოქროსა და ერთი ბრინჯაოს მედლით დაასრულა.

26 აგვისტოს, ჩემპიონატის ბოლო დღეს, ოქრო ზურაბ იაკობიშვილმა (65 კგ) მოიპოვა. ბრინჯაოს მედლებისთვის იჭიდავეს ელიზბარ ოდიკაძემ (97) და ზურაბ ერბოწონაშვილმა (70), მაგრამ დამარცხდნენ.

წინა დღეს მსოფლიოს ჩემპიონი გენო პეტრიაშვილი (125) გახდა, ბრინჯაოს პრიზიორი კი - ვლადიმერ ხინჩეგაშვილი (61).

შეგახსენებთ, რომ საქართველოს ბერძულ-რომაული სტილით მოჭიდავეთა ნაკრებმა პარიზში 2 ბრინჯაოს მედალი მოიპოვა. პრიზიორები რობერტ კობლიაშვილი (85) და რევაზ ნადარეიშვილი (98) გახდნენ.