მსოფლიოს ჩემპიონატი: პეტრიაშვილის ოქრო, ხინჩეგაშვილის ბრინჯაო! [VIDEO]

AutoSharing Option
PLAYER_GET_VIDEOFLASH
დღეს, 25 აგვისტოს, პარიზში დაწყებულ მოჭიდავეთა მსოფლიოს ჩემპიონატზე თავისუფალ სტილში, საქართველოს ნაკრებმა ორი მედალი მოიპოვა. ჩემპიონი მძიმე წონაში გენო პეტრიაშვილი გახდა, ბრინჯაო კი 61 კგ–მდე წონით კატეგორიაში ვლადიმერ ხინჩეგაშვილმა დაისაკუთრა.

პეტრიაშვილმა ფინალურ შეხვედრაში თურქთა ტიტულოვან ფალავანს ტაჰა აკგულს მოუგო უაღრესად დაძაბული შეხვედრა მოუგო - 10-8. ნახევარფინალში გენომ სომხეთის სახელით მოასპარეზე ლევან ბერიანიძეს დიდი უპირატესობით სძლია, მანამდე კი კანადელი კორეი ჯარვისი და რუსი ანზორ ხიზრიევი დაამარცხა იოლად.

ხინჩეგაშვილმა, რომელიც ახალ წონაში მსოფლიოს ჩემპიონატზე პირველად გამოვიდა, საწყისი ორი შეხვედრის მოგების შემდეგ, 1/4-ფინალში
რუს გაჯიმურად რაშიდოვთან წააგო. რეპეშაჟში ლადომ ამერიკელ ლოგან ჯეფრი სტიებერს დამაჯერებლად სძლია, მედლისთვის შეხვედრაში კი თურქ ჩინგისხან ერდოღანს აჯობა – 3:0.

ჩვენი ნაკრებიდან დღეს ასევე იასპარეზეს 57 კგ-მდე წონით კატეგორიაში ბექა ლომთაძემ და 86-ში - დავით ხუციშვილმა. ლომთაძემ საკვალიფიკაციო ეტაპი ვერ დაძლია, ხუციშვილმა კი სასტარტო შეხვედრის მოგების შემდეგ, 1/8-ფინალში წააგო.

პარიზში მსოფლიოს ჩემპიონატი ხვალ, 26 აგვისტოს დასრულდება და მედლები დარჩენილ ოთხ წონით კატეგორიაში გათამაშდება. საქართველოს ნაკრებიდან ზურაბ იაკობიშვილი (65), ზურაბ ერბოწონაშვილი (70), ჯუმბერ ყველაშვილი (74) და ელიზბარ ოდიკაძე (97) იჭიდავებენ.

 

მკითხველის კომენტარები / 28 /
ორი გენიალური მწვრთნელი გორში( და არა მარტო გორში)-გურამ პაპიტაშვილი და ნუგზარ სხირელი! კიდევ... მრავალი გულანთებული ახალგაზრდა მწვრთნელი. აი საიდუმლო გორის საჭიდაო სკოლის წარმატებებისა! ჯანმთელობა და დიდხანს სიცოცხლეს ვუსურვებ მათ. ქედს ვიხრით მათი ღვაწლისა და ამაგის წინაშე
gori 2
20:23 26-08-2017
0
ვაშა იაკობიშვილი ფინალში გავიდა.არა და წაგებული ბრძოლა ბოლო წამძე გაათანაბრა,წინა ბრძოლებიც დიდი გაჭირვებით მოიგო,ძალიან მაგარი ნებისყოფა ჰქონია,
სოსო
16:28 26-08-2017
0
სიახლეები პოპულარული