თეიმურაზ ჯუღელმა შემოდგომის ბაშო უარყოფითი ბალანსით დაასრულა

სუმოს ქართველი ქომაგისთვისაც და ზოგადადაც ყველაფერი შემოდგომის ბაშოს ბოლოსწინა დღეს გაირკვა. დიდმა ჩემპიონმა ჰაკუჰომ დაამარცხა ოძეკი კისენოსატო და იმპერატორის თასი კიდევ ერთხელ, 27-ედ დაიბევა.

ხოლო თეიმურაზ ჯუღელმა (გაგამარუ) ვერაფერი გააწყო ტამაასუკას ჯიქურ შეტევასთან და მე-8 გადამწყვეტი მარცხი მიითვალა.

მომდევნო რეიტინგში ის აუცილებლად დაქვეითდება, დღეისათვის კი ელიტას შემორჩენილი ერთადერთი ქართველი მე-9 მაეგაშირაა.

ამიტომ გაგამარუს უკანასკნელი ორთაბრძოლა, ჰომაშოს წინააღმდეგ მხოლოდ ფორმალობა იყო და ქართველმაც ამ მოწინააღმდეგესთან ზედიზედ მე-9-ედ წააგო. 203-კილოიანმა სუმოისტმა სექტემბრის ბაშო 6-9 ბალანსით დაასრულა.

შეგახსენებთ, რომ ტრავმის გამო ვერ იასპარეზა ძურიოს დივიზიონის პირველმა ნომერმა ლევან გორგაძემ (ტოჩინოშინი) და მას კიდევ უფრო შორს დაქვეითება ელის.

XIV დღე (მნიშვნელოვანი ბრძოლები): ჰარუმაფუჯი-კაკურიუ (ოკურიდაში), ჰაკუჰო-კისენოსატო (ჰატაკიკომი), კოტოშოგიკუ-ამინიშიკი (სუკუინაგე), გოეიდო-ტაკაიასუ (ოშიდაში), ტამაასუკა-გაგამარუ (იორიკირი).

ბოლო დღე (მნიშვნელოვანი ბრძოლები): ჰაკუჰო-ჰარუმაფუჯი (კოტენაგე), კისენოსატო-კაკურიუ (იორიკირი), კოტოშოგიკუ-მიოგირიუ (იორიკირი), გოეიდო-კაისეი (იორიკირი), ჰომაშო-გაგამარუ (იორიკირი).

საბოლოო მდგომარეობა
დადებითი
14-1: ჰაკუჰო (იოკოძუნა)
11-4: კისენოსატო (ოძეკი), გოეიდო (სეკივაკე).
10-5: ჰარუმაფუჯი (იოკოძუნა), კოტოშოგიკუ (ოძეკი), ჰომაშო (მაეგაშირა 13).
9-6: კაკურიუ (ოძეკი), ამინიშიკი (მ 5), ტაკეკაძე (მ 11), ტოჩინოვაკა (მ 11), ენდო (მ 13), ტამავაში (მ 13).
8-7: ტოჩიოძანი (კომუსუბი), შოჰოზანი (მ 1), ოკინოუმი (მ 2), კიოკუტენჰო (მ 6), ტოიონოშიმა (მ 7), ტენკაიჰო (მ 12), სადანოფუჯი (მ 12), მასუნოიამა (მ 14), ჯოკორიუ (მ 14).

უარყოფითი
7-8: კაისეი (მ 4), კოტოიუკი (მ 9), ტამაასუკა (მ 15).
6-9: მიოგირიუ (სეკივაკე), აოიამა (მ 2), ჩიოტაირიუ (მ 3), ტოიოჰიბიკი (მ 4), კიტატაიკი (მ 6), ფუჯიაზუმა (მ 8), იოშიკაძე (მ 8), გაგამარუ (მ 9), ტოკუშორიუ (მ 10).
5-10: ტაკაიასუ (კომუსუბი), იკიოი (მ 1), ტაკარაფუჯი (მ 3), ტოკიტენკუ (მ 5), შოტენრო (მ 10), ასაჰიშო (მ 16).
4-11: კოტოოშუ (ოძეკი), ვაკანოსატო (მ 15).
3-12: არანი (მ 7).

ასევე იხილეთ:
გაგამარუ არ ნებდება