ირაკლი ცირეკიძემ ევროპის ჩემპიონატისთვის ნაკრების შემადგენლობა დაასახელა

თბილისის "დიდი პრიზის" დასრულების შემდეგ საქართველოს ძიუდოისტ ვაჟთა ნაკრების მთავარმა მწვრთნელმა ირაკლი ცირეკიძემ დაასახელა 20-23 აპრილს ვარშავაში, ევროპის ჩემპიონატზე წასაყვანი შემადგენლობა.

საქართველოს ნაკრები:
ამირან პაპინაშვილი, ლუხუმ ჩხვიმიანი (ორივე - 60), ვაჟა მარგველაშვილი (66), ლაშა შავდათუაშვილი (73), ზებედა რეხვიაშვილი (81), ბექა ღვინიაშვილი (90), ვალერი ლიპარტელიანი (100), გურამ თუშიშვილი, ადამ ოქრუაშვილი (ორივე - +100).

გუნდურში ამათ დაემატებიან ლაშა გიუნაშვილი (66), ფრიდონ გიგანი (73), ამბაკო ავალიანი (81) და უშანგი მარგიანი (90).

გუნდი დღეს ყვარელში გაემგზავრა, სადაც გაივლის დასკვნით შეკრებას და პოლონეთში წასვლამდე იქ ივარჯიშებს.