თბილისში გრძელდება მოჭადრაკე ვაჟთა მსოფლიოს თასის გათამაშება, რომელსაც მეექვსე წრისთვის (ნახევარფინალები) 128-დან მხოლოდ ოთხი დიდოსტატი შემორჩა. წინა ეტაპზე ბაადურ ჯობავას მძლეველმა ვესლი სომ (აშშ) მეოთხედფინალების კლასიკურ პარტიებში რუსი ვლადიმირ ფედოსეევი დაამარცხა 1.5:0.5. ასეთივე ანგარიშით დინ ლიჟენმა (ჩინეთი) რიჩარდ რაპორტს (უნგრეთი) აჯობა, ხოლო ლევონ არონიანმა (სომხეთი) ვასილი ივანჩუკს (უკრაინა) მოუგო.
ფრანგი მაქსიმ ვაშიე-ლაგრავისა და რუსი პიოტრ სვიდლერის ძირითადი პარტიები დამთავრდა ფრედ - 1:1. გუშინ ტაიბრეიკში ვაშიე-ლაგრავმა 1.5:0.5 სძლია მეტოქეს და ნახევარფინალში გავიდა, სადაც ლევონ არონიანს დაუპირისპირდება, ვესლი სო დინ ლიჟენს შეხვდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
