28 ივლისს მინი-ფეხბურთში სასკოლო სპორტული ოლიმპიადა 2016-ის ფინალისტები გამოვლინდნენ. I ნახევარფინალურ თამაშზე ერთმანეთს თბილისის N2 საჯარო სკოლა და შიდა ქართლის N3 საჯარო სკოლა შეხვდნენ.
მეტოქეებმა ორივე ტაიმი ფრედ დაასრულეს და გამარჯვებულის გამოსავლენად პენალტები დაინიშნა. პენალტების სერიაში თბილისის გუნდმა მოწინააღმდეგე 4:2 დაამარცხა და ფინალის საგზურიც მოიპოვა.
შემდეგი შეხვედრაც აფხაზეთის N7 საჯარო სკოლასა და იმერეთის ქუთაისი N40 საჯარო სკოლას შორის 0:0 დასრულდა და მსაჯმა პენალტების სერია დანიშნა, მაგრამ პენალტების სერიაც 3:3 დამთავრდა.
მატჩი დარტყმის პირველ აცილებამდე გაგრძელდა, რომელშიც "აფხაზეთმა" 5:4 დაამარცხა მეტოქე.
