სამხრეთ კორეაში, ქალაქ ჩანვონში მიმდინარე მსოფლიო თასის მეორე ეტაპზე ტყვიის სროლაში ნინო სალუქვაძემ მესამე შედეგი აჩვენა. ევროპის სამგზის, მსოფლიოსა და ოლიმპიურმა ქართველმა ჩემპიონმა, რომელმაც ლონდონი 2012-ის საგზური ჯერ კიდევ მსოფლიო თასის პირველ ეტაპზე, სიდნეიში გაინაღდა, სამხრეთ კორეაში, პნევმატური პისტოლეტით 10 მეტრი დისტანციიდან სროლაში 486,7 ქულას მოუყარა თავი. ამ შედეგით ჩვენებური მხოლოდ ჩინელ სუნ ცის (489,9 ქულა) და უკრაინელ ელენა კოსტევიჩს (489,8) ჩამორჩა.
