საუკეთესო სნუკერისტთა შეხვედრის მორიგი ადგილი გახდა ბელგია - ქალაქ ანტვერპენში გაიმართა PTC-ის (Players Tour Championship) სერიის რიგით მეცხრე ეტაპი.ფინალში ერთმანეთს შეხვდნენ ჯად ტრამპი და რონი ო'სალივანი, რომლებმაც მთელი სატურნირო გზა პრობლემების გარეშე გაირეს. ახალგაზრდა ტრამპს დამაჯერებლობა შესძინა მეოთხედფინალში მსოფლიოს მოქმედი ჩემპიონის ჯონ ჰიგინსის დამარცხებამ, რაც ერთგვარი რევანში იყო ამა წლის მაისში პლანეტის პირველობაზე მარცხის გამო.
ინგლისელებმა ორივე ნახევარფინალი ერთნაირი ანგარიშით მოიგეს - 4:1. "რაკეტა" (ო'სალივანის მეტსახელი) გრემ დოტს გაუსწორდა, ტრამპმა კი მარტინ გულდს მოუგო.
ფინალურმა მატჩმა სავსე ტრიბუნების ქვეშ
მაგრამ, ახალგაზრდა ინგლისელი მალე გაერკვა სიტუაციაში და ანგარიში გაათანაბრა. თუ მატჩის დასაწყისში ბევრი იყო შეცდომა, მეორე პარტიის შემდეგ მაყურებელმა უფრო ხარისხიანი თამაში იხილა, თუმცა სერიები 63-69 ქულის ფარგლებში დარჩა.
ჯადმა არ მოისურვა მდევრის როლში ყოფნა, ამიტომაც მოიგო შემდეგი ორი ფრეიმი და ანგარიში 3:1 გახდა მის სასარგებლოდ (ფინალი ოთხ მოგებამდე მიდიოდა). თითქოს მეხუთე ფრეიმი ბოლო უნდა გამხდარიყო. მაგრამ არც "რაკეტამ" მოისურვა დანებება. მან მეტოქეს 118-ქულიანი "სენჩურით" უპასუხა, შემდეგ იყო 132-ქულიანი სერია და ფინალში ანგარიში გათანაბრდა.
გადამწყვეტი პარტია ო'სალივანის შეტევით დაიწყო. მან 16 ქულა დააგროვა, მაგრამ შემდეგ ბურთზე ვერ გავიდა. ტრამპს სერიის დაწყების საშუალება მიეცა. 44 ქულის დაგროვების შემდეგ ახლა ის ვერ გავიდა ბურთზე. რონიმ მოგების შესანიშნავი შანსი მიიღო და მაგრამ პირიქით მოხდა - გამოცდილმა სნუკერისტმა პრაქტიკულად მოგება აჩუქა ახალგაზრდა მეტოქეს, როცა ბურთი დაუყენა მას. ახლა ტრამპისა და ო'სალივანის ანგარიშზე ორ-ორი გამარჯვება მოდის PTC-ის წლევანდელ სერიაში.
მეცხრე ეტაპი შეფილდში გაიმართება, ერთი კვირის შემდეგ კი დაიწყება ერთ-ერთი ყველა პრესტიჟული ტურნირი - ბრიტანეთის ჩემპიონატი.
ყოველდღიური სპორტული გაზეთი "ლელო"
