ზამთრის ოლიმპიადა 2018: ნინო წიკლაურმა სლალომში 39-ე ადგილი დაიკავა [VIDEO]

AutoSharing Option
AUTO PLAY
16 თებერვალს ქართველმა მოთხილამურემ, ნინო წიკლაურმა პიონჩანგის ზამთრის 2018 წლის ოლიმპიადაზე სლალომში იასპარეზა.

წიკლაურმა პირველი დისტანცია 55.88 წამში დაფარა, ხოლო მეორე ცდაზე დრო გააუმჯობესა და დისტანცია 55.74 წამში დაფარა. საერთო ჯამში, წიკლაურმა ორივე დისტანცია 1:51:62 წუთში დაფარა და ამ მაჩვენებლით 39-ე ადგილზე გავიდა.

ქართველი სპორტსმენი პირველ პოზიციაზე გასულ შვედ ფრიდა ჰენსდოთერს 12.99 წამით ჩამორჩა.

აღსანიშნავია, რომ სლალომში ეს წიკლაურისთვის საუკეთესო შედეგია ოლიმპიურ თამაშებზე. ვანკუვერის ოლიმპიადაზე მაშინ ნინომ 50-ე ადგილი დაიკავა, ხოლო სოჭში დისტანცია ვერ დაასრულა.

ქართველი სპორტსმენისთვის ეს ბოლო გამოსვლა
იყო ოლიმპიადაზე. გიგანტურ სლალომში ასპარეზობა წიკლაურმა 46-ე ადგილზე დაასრულა, რაც ასევე საუკეთესო შედეგებია მისთვის ოლიმპიადებზე, სოჭის ოლიმპიადაზე გიგანტურ სლალომში მან 49-ე ადგილი დაიკავა.

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული