რამინ შამილიშვილმა ევროპის ჩემპიონატზე ვერცხლის მედალი მოიპოვა

სომხეთის დედაქალაქ ერევანში ძალოსნობაში ევროპის ჩემპიონატის მეორე საშეჯიბრო დღეს რამინ შამილიშვილმა (55 კგ.) ვერცხლის მედალი მოიპოვა.

თავდაპირველად რამინმა ატაცში თავი 109/111/113 კილოგრამს გაართვა და ატაცის დისციპლინაში ჩემპიონი გახდა.

ქართველმა ძალოსანმა აკვრაში 132/136 კილოგრამი დაძლია და ბრინჯაოს მედლის მფლობელი გახდა, ხოლო ორჭიდში მოგროვილი 249 კილოგრამით ვერცხლი მოიპოვა.

შეგახსენებთ, დღეს 20:10 საათიდან ფიცარნაგზე საქართველოს სახელით შოთა მიშველიძე (61 კგ.) და გოდერძი ბერდელიძე (61 კგ.) იასპარეზებენ.

alt ძალოსნობის ევროპის ჩემპიონატზე მარიამ მაისურაძემ მე-8 ადგილი დაიკავა

alt ევროპის ჩემპიონატზე ქართველი ძალოსნების გამოსვლის განრიგი ცნობილია