ტურინში წლის შემაჯამებელ ტურნირზე იტალიელმა იანიკ სინერმა ნოვაკ ჯოკოვიჩი 7:5 6:7 7:6 დაამარცხა და მეორე გამარჯვება იზეიმა.
შეხვედრა სანახაობრივი გამოდგა. პირველი სეტის მე-11 გეიმში სერბმა საკუთარი ჩაწოდება 40:0 წაიყვანა, თუმცა ზედიზედ 5 ქულა წააგო და იანიკს ბრეიკის შესრულების შესაძლებლობა მისცა, იტალიელმა კი ეს შანსი ხელიდან არ გაუშვა.
მეორე სეტში საქმე ტაი-ბრეიკამდე ისე მივიდა, რომ ჩოგბურთელებს ბრეიკ-პოინტიც კი არ ჰქონიათ, საბოლოო ჯამში, ნოვაკმა 7:5 იმარჯვა და ანგარიში გაათანაბრა.
დისაიდერში სინერმა და ჯოკოვიჩმა ბრეიკები მე-6 და მე-7 გეიმებში გაცვალეს, ტაი-ბრეიკზე კი იტალიელმა 7:2 იმარჯვა.
იანიკს 2-დან 2 მოგება აქვს. მომდევნო მატჩს 17 ნოემბერს, ჰოლგერ რუნესთან გამართავს, ნოვაკი 16 ნოემბერს უმბერ ჰურკაჩს შეხვდება.
![კარიერაში მეშვიდედ - ნოვაკ ჯოკოვიჩი შემაჯამებელი ტურნირის გამარჯვებულია [VIDEO]](/pictures/image7/45a73f0c790a0838fef86577d003a453.jpg "კარიერაში მეშვიდედ - ნოვაკ ჯოკოვიჩი შემაჯამებელი ტურნირის გამარჯვებულია [VIDEO]")
![კარლოს ალკარასი უიმბლდონის ტურნირის გამარჯვებულია [VIDEO]](/pictures/image7/2027c367b6898772cb13ea6df9f9d128.jpg "კარლოს ალკარასი უიმბლდონის ტურნირის გამარჯვებულია [VIDEO]")
