სერბეთის ნაკრების ყოფილი კაპიტანი: აგასიმ არ იცოდა, რა ერჩია ჯოკოვიჩისთვის

AutoSharing Option
სერბეთის საჩოგბურთო ნაკრების ყოფილმა კაპიტანმა რადმილო არმენულიჩმა ნოვაკ ჯოკოვიჩის ყოფილი მწვრთნელი ანდრე აგასი გააკრიტიკა.

"პირველი დღიდან ნოვაკის და ანდრეს თანამშრომლობის მოწინააღმდეგე ვიყავი. ვფიქრობ, ჯოკოვიჩი უფრო დაეხმარა აგასის, რადგან მან სამწვრთნელო გამოცდილება მიიღო.

აგასიმ უბრალოდ არ იცოდა, რა რჩევები უნდა მიეცა ნოვაკისთვის, მას ხომ მწვრთნელად არასდროს უმუშავია", - აღნიშნა არმენულიჩმა.

შეგახსენებთ, რომ ჯოკოვიჩმა და აგასიმ თანამშრომლობა რამდენიმე დღის წინ შეწყვიტეს. სერბს ბოლო დროს ძალიან ცუდი შედეგები აქვს.

ამჟამად, მის სამწვრთნელო შტაბში რადეკ შტეპანეკის სახით მხოლოდ ერთი ადამიანია.
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული