ინგლისის ნაკრებმა გასულ უქმეებზე ექვსი ერის გათამაშების მეოთხე ტურში თითქმის სენსაციური გამარჯვება მოიპოვა სტუმრად საფრანგეთის ეროვნულ გუნდთან - 24:22 და პირველი ადგილის დაიკავების თეორიული შანის გაუჩნდა. "პომებმა" საამისოდ შაბათს შინ ირლანდიის ნაკრებს უნდა მოუგოს და ლიდერმა, უელსის ეროვნულმა გუნდმა ასევე შინ უნდა წააგოს საფრანგეთის ნაკრებთან.
ინგლისელთა დროებითმა თავკაცმა სტიურატ ლანკასტერმა გუნდში ორი ცვლილება განახორციელა. ტრავმირებული გარემარბის ჩარლი შარლპსის ნაცვლად მან დევიდ სტრიტლი დააბრუნა, რომელმაც თავის მხრივ ტრავმა ახლახან მოიშუშა. შერკინების კვაჭმა რობ ვებერმა ფრანგებთან მატჩში მხარი იტკინა და მის ნაცვლად
"ისეთი შთაბეჭდილება მრჩება, რომ იანვარში, ლიდსში პირველად რომ შევიკრიბეთ, თითქოს გუშინ იყო. იქიდან დაიწყო ახალი ერა ინგლისურ რაგბიში. ჩემს თანაშემწეებთან ერთად ღრმად გვწამს, რომ ნაკრებში მორაგბეთა სწორედ ის ჯგუფია, რომელიც ინგლისურ რაგბის დიდ წარმატებებს მალე მოუტანს.
შაბათს ირლანდიის ნაკრებთან გასამართი მატჩი კიდევ ერთი ნაბიჯია ამ დიდ და ურთულეს გზაზე. მოუთმენლად ველით "თვიქნემზე" დაბრუნებას, სადაც განსაკუთრებული ქომაგები და აურაა. იმედი გვაქვს, რომ "სამყურებს" დავამარცხებთ და გულშემატკივრებს კიდევ ერთხელ გავახარებთ" - თქვა ინგლისის ნაკრების დროებითმა თავკაცმა სტიუარტ ლანკასტერმა.
ამასობაში, მიუხედავად იმისა, რომ "პომები" ცუდად არ ასპარეზობენ, ლანკასტერის შანსი მთავარ მწვრთნელად მუდმივად დარჩეს, მცირდება. "პომების" თავკაცობის ყველაზე რეალურ კანიდატად სამხრეთ აფრიკის ნაკრების ყოფილი და კანბერას "ბრამბიზის" ამჟამინდელი მწვრთნელი ჯეკ ვაითი სახელდება.
ინგლისი: 15. ბენ ფოდენი, 14. კრის ეშტონი, 13. მანუ ტუილაგი, 12. ბრედ ბარიტი, 11. დევიდ სტრიტლი, 10. ოუენ ფარელი, 9. ლი დიქსონი. 1. ალექს კორბიშიერო, 2. დილან ჰარტლი, 3. დენ კოლი, 4. მარისუ ბოთა, 5. ჯეფ პერლინგი, 6. ტომ კროფტი, 7. კრის რობშო, 8. ბენ მორგანი.
16. ლე მეარსი, 17. მეთ სტივენსი, 18. ტომ პალმერი, 19. ფილ დოუსონი, 20. ბენ იანგზი, 21. ჩარლი ჰოჯსონი, 22. მაიკ ბრაუნი.
ყოველდღიური სპორტული გაზეთი "ლელო"
